Հետազոտությունը ցույց է տվել, որ աբորտ արած կանայք տարիներ անց չեն ափսոսում կայացրած որոշման համար — Շեշտ.am (shesht.am)
7 րոպե
Խմբագրություն

Հետազոտությունը ցույց է տվել, որ աբորտ արած կանայք տարիներ անց չեն ափսոսում կայացրած որոշման համար

Կալիֆորնիայի գիտնականները հերքել են տարածված այն տեսակետը, թե հղիության արհեստական ընդհատման որոշում կայացրած կանայք անպայման զղջալու են չծնված երեխայի համար:

Քայլերթ՝ ընդդեմ աբորտի իրավունքի սահմանափակմանը, Կալիֆորնիա, 2019 / ©AFP

Քանի դեռ հասարակությունը, քաղաքական գործիչներն ու կրոնական կազմակերպությունների ներկայացուցիչները վիճում են կանանց իրավունքի վերաբերյալ՝ երեխա ունենալու կամ աբորտ անելու որոշման հետ կապված, ընդունում են օրենքներ, կազմակերպում են բողոքի ակցիաներ, գիտնականները շարունակում են ուսումնասիրել հղիության արհեստական ընդհատման ոչ միայն ֆիզիկական հետևանքները, այլև՝ «զգացմունքայինները»:

Ի հեճուկս տարածված կարծիքի, թե այդ քայլից հետո յուրաքանչյուր կին հոգեպես զղջում է իր արարքի համար, ընկճվածություն է ունենում և այլն, վերջերս հրապարակված հետազոտությունը ցույց է տվել, որ, ընդհակառակը, արհեստական ընդհատման և ինքնավնասման մեծացած վտանգի միջև կապ չկա: Սան Ֆրանցիսկոյի Կալիֆորնիական համալսարանի գիտնականները որոշել են ուսումնասիրել, թե ինչ է տեղի ունենում երկարաժամկետ հեռանկարում: Turnaway անունը կրող հետազոտությանը մասնակցել է ԱՄՆ-ի 30 տարբեր նահանգներից 667 կին, ովքեր աբորտ են արել իրենց կամքով: Նրանց հարցրել են աբորտից 1 շաբաթ անց, այնուհետև՝ տարեկան 2 անգամ: Արդյունքներն անսպասելի են եղել աշխատանքի հեղինակների համար:

UCSF-ի մանկաբարձ, գինեկոլոգ և վերարտադրության դոցենտ Քորին Ռոքան ընդգծել է հետաքրքիր բացահայտումը՝ որևէ զգացմունքի ինտենսիվությունը չափազանց քիչ է:

 В январе 2017 года Дональд Трамп подписал указ о запрете госфинансирования организаций, которые занимаются пропагандой абортов в других странах или причастны к практике искусственного прерывания беременности / © AFP
2017թ. հունվարին Դոնալդ Թրամփը որոշում է ստորագրել՝ դադարեցնելու այն կազմակերպությունների պետֆինանսավորումը, որոնք զբաղվում են աբորտի քարոզչությամբ այլ երկրներում կամ մասնակից են հղիության արհեստական ընդհատման գործընթացին / ©AFP

Ինչպես պարզվել է, հղիության ընդհատումից 1 շաբաթ անց կանանց 51%-ը հիմնականում դրական էմոցիաներ է դրսևորել, 17%-ը՝ բացասական, 20%-ն ասել է, որ ոչ մի զգացում չունի կատարած քայլի նկատմամբ: Ժամանակի ընթացքում քիչ էմոցիաներ ունեցողների կամ ընդհանրապես չունեցողների թիվը տարեցտարի աճել է՝ 1 տարի անց՝ 45%, 3 տարի անց՝ 63%: 5 տարի անց կանանց 84%-ը նշել է, որ իրեն թեթև է զգում կամ ընդհանրապես չի մտածում արարքի մասին: Միայն 6%-ն է նշել, որ վերաբերմունքը բացասական է:

Անմիջապես աբորտից հետո հարցվածների 95%-ը նշել է, որ ճիշտ որոշում է ընդունել, իսկ հետազոտության վերջում արդեն կանանց 99%-ը չէր կասկածում իր քայլին:

Ինչ վերաբերում է հասարակության կարծիքին, ապա հետազոտության սկզբում հարցվածների 30%-ը հայտնել է, որ կշտամբանքի է ենթարկվել, նույնքան հարցվածներ էլ խոսել են կշտամբանքի չենթարկվելու մասին, իսկ 40%-ը հանրության հետ չի քննարկել:

 Линии представляют прогнозируемый средний балл эмоций  (печаль, сожаление, чувство вины, гнев, облегчение и счастье) после аборта и спустя пять лет в соответствии с сообщенным участниками уровнем сложности принятия решения о процедуре / © проект Turnaway
Գծերը ցույց են տալիս էմոցիաների կանխատեսվող միջին միավորը (վիշտ, զղջում, մեղքի զգացում, ցասում, հանգստություն և երջանկություն) աբորտից հետո և 5 տարի անց՝ համապատասխանեցված որոշման կայացման բարդության մակարդակի հետ / ©Turnaway

Բժիշկ Ռոքան նշել է, որ 5 տարի անց գրեթե բոլոր կանանց մոտ թեթևություն է նկատվել: Նույնիսկ եթե նրանք դժվարությամբ են ընդունել ընդհատելու որոշումը կամ զգացել են, որ հանրությունը չի ընդունի իրենց, հետազոտությունը ցույց է տալիս, որ կանանց մեծամասնությունը որոշ ժամանակ անց համարում են, որ ճիշտ որոշում են կայացրել: Բժշկի խոսքով՝ դա հերքում է այն միտքը, որ կանանց մեծամասնությունը տառապում է աբորտի պատճառով: Նա վստահեցրել է, որ հնարավոր է՝ կանայք զղջան, բայց, դրա հետ մեկտեղ, իրենց համար դա անկասկած ճիշտ որոշում լինի:

Հետազոտության հեղինակները վերապահություն են հայտնել, որ իրենց եզրակացություններով նպատակ չունեն արժեզրկել նրանց զգացմունքները, ովքեր զղջում են հղիության ընդհատման համար, սակայն արդյունքները ցույց են տվել, որ միայն փոքրամասնության կարծիքի հիման վրա սխալ է այդ իրավունքը վերցնել ընդհանրապես բոլոր կանանցից: Turnaway նախագիծն արդեն ունի քննադատներ, որոնց համոզմամբ՝ կանանց ավելի քան 65%-ը, ովքեր սկզբնապես համաձայնվել են մասնակցել հետազոտությանը, հետագայում դուրս են եկել դրանից, ընդ որում՝ մեծամասամբ հենց նրանք են ծանր զգացմունքներ ունենում:

Հղիության արհեստական ընդհատման դեմ պայքարող ակտիվիստ Դևիդ Ս.Ռիրդոնը հայտարարել է, որ հետազոտությունը բացառապես հիմնված է կանանց այն խմբի վրա, ովքեր աբորտից հետո սպասում էին բացասական ռեակցիայի, տարել են ամենացածր սթրեսը և, հնարավոր է, ունեն թերապևտիկ օգուտներ աբորտների մասին հետազոտությունների քննարկումներից, որտեղ հաստատվում է իրենց արարքի «ճշմարտացիությունը»:

Ամենաընթերցվածը

3 րոպե
Խմբագրություն

Մահվան նոր դեպք է գրանցվել: Մեկ օրվա ընթացքում առողջացել է 24 մարդ: Վարակվածների ընդհանուր թիվը հասել է 921-ի:

8 րոպե
Խմբագրություն

Գիտնականները կորոնավիրուսով վարակվածների մասնակցությամբ փորձարկում են կատարել: Հետազոտությունը ցույց է տվել, որ հազալիս վիրուսային մասնիկները կարող են հայտնվել շրջակա միջավայրում, նույնիսկ եթե վարակվածը դիմակ է կրում: Ընդ որում՝ դրանց մեծ մասը հայտնաբերվել է դիմակի ոչ թե ներքին, այլ արտաքին մակերեսին:

7 րոպե
Խմբագրություն

Գաղափարին աջակցել է կալիֆորնիական Getty նկարչական թանգարանը և այլք: Եթե դուք էլ ունեք նման «գլուխգործոցներ», ուղարկեք. անպայման կհրապարակենք:

2 րոպե
Խմբագրություն

Համացանցում հայտնվել են տարբեր խորհուրդներ, տեսանյութեր՝ տան պայմաններում ձեռքի տակ եղած միջոցներով դիմակ պատրաստելու վերաբերյալ: Ներկայացնենք դրանցից մի քանիսը:

3 րոպե
Խմբագրություն

Մամուլում տեղեկություններ էին տարածվել, թե ԱՄՆ-ում ձերբակալվել է Չինաստանի համար կորոնավիրուս ստեղծած գիտնականը: Մենք ավելի վաղ ներկայացրել էինք հոդվածներ, որոնք հերքում էին Covid-19-ի արհեստական ծագումը: Գիտնականին իրականում ձերբակալել են, բայց ոչ՝ կորոնավիրուսի ստեղծման համար:

7 րոպե
Խմբագրություն

Նոր հետազոտությունը մատնանշել է Covid-19-ի համար ռիսկային խմբին, ինչպես նաև մահացությունների համակարգման հիման վրա ենթադրել է, թե ինչպիսի նշանները կարող են անցանկալի զարգացման կանխատեսում համարվել:

4 րոպե
Խմբագրություն

Հնարավորինս սեղմորեն ներկայացվում է «Արտակարգ դրության» ռեժիմի առանձնահատկություններ, որոնք պետք է իմանանք բոլորս:

11 րոպե
Խմբագրություն

Իտալիայում բնակվող ռուս աղջիկը նախազգուշացրել է մոտալուտ վտանգի մասին: Մենք նրա գրառումը թարգմանել ենք ձեզ համար:

2 րոպե
Խմբագրություն

Համացանցում հայտնվել են տարբեր խորհուրդներ, տեսանյութեր՝ տան պայմաններում ձեռքի տակ եղած միջոցներով դիմակ պատրաստելու վերաբերյալ: Ներկայացնենք դրանցից մի քանիսը:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.