Հայաստանում վարակվածության 48 նոր դեպք է հաստատվել

Մահացության 1 նոր դեպք է գրանցվել: Մեկ օրում առողջացել է 61 մարդ: Վարակվածների ընդհանուր թիվը հասել է 1159-ի:

Բուժաշխատողները հանգստանում են / © 1 Լայք Բուժաշխատողներին / Հեղինակ՝ անհայտ, լուսանկարը տրամադրել է օգտատերը

ՀՀ ԱՆ Հիվանդությունների վերահսկման և կանխարգելման ազգային կենտրոնի տվյալներով՝ Հայաստանում Covid-19 կորոնավիրուսով վարակվածների թիվը հասել է 1159-ի՝ վերջին օրվա ընթացքում ավելանալով 48-ով:

Մահացության 1 նոր դեպքե է գրանցվել. «Սուրբ Գրիգոր Լուսավորիչ» բժշկական կենտրոնում արձանագրվել մահացած 73-ամյա պացիենտն ունեցել է կորոնավիրուսային հիվանդություն, հաստատված երկկողմանի թոքաբորբ։ Տղամարդն ունեցել է նաև ուղեկցող խրոնիկ հիվանդություններ՝սրտի իշեմիկ հիվանդություն, զարկերակային գերճնշում։ Բուժման ընթացքում առաջացել է խրոնիկ հիվանդությունների սրացում` սրտի ռիթմի խանգարում` պերսիստենտ ձև, գլխուղեղի իշեմիկ ինսուլտ։ Ապրիլի 16-ի ժամը 11:00-ի դրությամբ մահացածների ընդհանուր թիվը 18 է:

https://www.facebook.com/alina.nikoghosyan/posts/2505585446209900

Առողջացել են 61-ը՝ ավելի շատ, քան վարակվածության նոր դեպքերը. առողջացածների ընդհանուր թիվը դարձել է 358: Հաղորդվում է, որ փաստացու բուժում է ստանում 783 մարդ:

Նախարար Արսեն Թորոսյանը Կառավարության նիստի ժամանակ հայտնել է, որ այս ընթացքում մոտ 1500 մարդ դուրս է եկել մեկուսացումից:

https://www.facebook.com/nikol.pashinyan/videos/688163165272618/

Կառավարության նիստ / © Նիկոլ Փաշինյան

Թորոսյանը նշել է, որ նրանցից 300-ի մոտ հաստատվել է կորոնավիրուսի առկայություն: Նախարարի խոսքով՝ վերջին 24 ժամում իրականացվել է 810 թեստավորում, որը մյուս երկրների համեմատ մեծ ցուցանիշ է:

Վրիպա՞կ գտաք։ Նշեք հատվածը և սեղմեք Ctrl + Enter։