Ամստերդամում տեղի է ունեցել «Զիա Բունիաթովը և Ադրբեջանի անցյալի հորինվածքը» դոկտորական թեզի պաշտպանությունը
Համալսարանի գիտաշխատողի պաշտպանած թեզը 3 գլխից է բաղկացած. Առաջինում նկարագրվում է Ադրբեջանի պատմության կեղծարարության հայր հանդիսացող ակադեմիկոսի կյանքի մասին:
Ամստերդամի համալսարանում կայացել է Սարա Քրոմբախի «Զիա Բունիաթովը և Ադրբեջանի անցյալի հորինվածքը» դոկտորական թեզի պաշտպանությունը: Ավելի վաղ լույս էր տեսել նույնանուն գիրքը՝ բաղկացած երեք գլխից:
Թեզի պաշտպանությանը ներկա է եղել ավելի քան 300 մասնակից: Հաղորդվում է, որ նրանց շարքերում են եղել նաև Ադրբեջանում քաղաքական հալածանքի ու բանտարկության պատճառով Նիդերլանդներում ապաստանած Լեյլա և Արիֆ Յունուսները:
Համալսարանի գիտաշխատողի պաշտպանած թեզի Առաջին գլուխը նվիրված է Զիա Բունիաթովին: Այստեղ նկարագրվում է Ադրբեջանի պատմության կեղծարարության հայր հանդիսացող ակադեմիկոսի կյանքի մասին՝ մինչև 1980-ականները:
Երկրորդ գլխում խոսվում է Ադրբեջանի պատմության «ստեղծման» գործում գիտնականի ունեցած ներդրման մասին: Իսկ Երրորդ գլուխը պատմում է Բունիաթովի կենսագրության, «պերեստրոյակի» տարիների նրա աշխատությունների, ԽՍՀՄ փլուզման, Լեռնային Ղարաբաղի հակամարտության և անկախության առաջին տարիների մասին:
Նիդերլանդներում հրապարակված թեզի հեղինակ Սարա Քրոմբախն անդրադարձել է նաև Ղարաբաղյան շարժման տարիներին Ադրբեջանում հայ բնակչության ջարդերին: Ուսումնասիրությունները կատարվել են Ադրբեջանի և Ռուսաստանի գիտնականների, Բունիաթովի կնոջ հետ հարցազրույցների, Բունիաթովի աշխատանքների, հայ հետազոտողների և այլ աղբյուրների հիման վրա:
Մեկնաբանությունները