Eminem-ն իր նոր երգում գերազանցել է ռեփ կարդալու իր նախորդ ռեկորդը

Godzilla կատարման մեջ Մարշալ Մեթերսը 30 վայրկյանում կարդացել է 229 բառ:

Ամերիկյան ռեփ երգիչ Eminem-ը (Մարշալ Մեթերս) գերազանցել է ռեփ «կարդալու» իր սեփական ռեկորդը: Godzilla երգում նա 30 վայրկյանում կարդացել է 229 բառ (վայրկյանում 11,3 վանկ):

Godzilla-ն Music To Be Murdered By ալբոմի 20 երգերից մեկն է: Ալբոմի շնորհանդեսը տեղի է ունեցել հունվարի 17-ին: Ձայնագրությունը կատարվել է Juice WRLD ռեփերի հետ: Վերջինս 2019թ. դեկտեմբերին մահացել է:

Նախորդ ռեկորդը ևս պատկանում է Մեթերսին: Նիկի Մինաժի հետ համատեղ թողարկած Majesty երգում նրան հաջողվել է 12 վայրկյանում արտաբերել 120 վանկ (վայկյանում 10,3 վանկ):

Այս թեմայի քննարկումները սկիզբ են առել 2013թ.-ից՝ Rap God երգի թողարկումից հետո: Slim Shady «The Marshall Mathers LP2» ալբոմի այդ երգում ռեփերը վայրկյանում կարդացել է 9,6 վանկ, 16,3 վայկյանում՝ 157 բառ: