Հայաստանում հաստատվել է վարակվածության 350 նոր դեպք
Covid-19 կորոնավիրուսից մահացության 6 նոր դեպք է գրանցվել, առողջացել են 352-ը: Փաստացի բուժում է ստանում 8933 պացիենտ:
Հայաստանում կորոնավիրուսով վարակվածների թիվը հասել է 13675-ի: Մինչ օրս կատարվել է ընդհանուր առմամբ 71405 թեստավորում: Առողջացածների թիվը հասել է 4451-ի՝ նախորդ օրն ավելանալով 352-ով. ավելի շատ, քան վարակվածության նոր դեպքերն են: Նախորդ օրը կատարված թեստավորումից 1055-ը բացասական են եղել:
Կորոնավիրուսից մահացածների թիվն ավելացել է 6-ով՝ հասնելով 217-ի: Վերջին օրվա ընթացքում մահացած պացիենտները եղել են 83 (կին), 61 (տղամարդ), 75 (կին), 46 (տղամարդ), 59 (տղամարդ), 79 (տղամարդ) տարեկան: Բոլորն ունեցել են ուղեկցող քրոնիկական հիվանդություններ։
Վարակվածների շրջանում այլ պատճառով մահացությունների թիվը 74 է. նախորդ օրն արձանագրվել է այսպիսի մահվան 2 նոր դեպք:
Ինչ վերաբերում է մահճակալային ֆոնդի անբավարարությանը, ապա նշենք, որ նախարար Արսեն Թորոսյանի մոտ կայացած քննարկման ժամանակ բուժհաստատությունների ղեկավարները փաստել են, որ մահճակալային ծանրաբեռնվածությունը հիմնականում բաժին է ընկնում վերակենդանացման բաժանմունքներին:
Հաղորդվում է, որ, ըստ նախարարի, եթե նույնիսկ պահպանվի վերջին օրերի հիվանդության տեմպը, ապա կորոնավիրուսային հիվանդությամբ զբաղվող հիվանդանոցների մահճակալային առկա ֆոնդը դեռևս բավարար է՝ հաշվի առնելով նոր ծավալումները:
Մեկնաբանությունները