Կենդանաբանական այգում թափառող շները հոշոտել են 3 կենգուրուներին. (upd.)
Թափառող շները ներթափանցել են ցանկապատ չունեցող հատվածից: Հոշոտվել են արու կենգուրուները, որոնք սպասում էին Ամստերդամից բերվող էգերին:
Հոկտեմբերի 31-ի առավոտյան թափառող շները ներթափանցել են Երևանի կենդանաբանական այգու տարածք և հոշոտել են 3 կենգուրուների: Հաղորդագրության համաձայն՝ 5-6 շները այգու տարածք են ներթափանցել ժամը 6:50-ի սահմաններում՝ Նոր Նորքի հատվածից:
Հոշոտված 3 կենգուրուները կարմրավիզ տեսակին էին պատկանում: Կենդանաբանական այգու աշխատակազմի հաղորդմամբ` շներից 3-ին բռնել են և ահազանգել Թափառող շների վնասազերծման կենտրոն: Սահմանված կարգի համաձայն` դրանք վնասազերծվել են և տարածքից տեղափոխվել:
Կենդանաբանական այգու կենդանաբույժներն և կենդանաբանները, ինչպես նշվում է, չեն կարողացել փրկել կենգուրուներին: Հաղորդագրության համաձայն`կենգուրուները արուներ էին: Դրանք Հայաստան էին բերվել 2018թ. հունիսին՝ Քիշինևի կենդանաբանական այգուց(Մոլդովա)՝ նվիրատվության սկզբունքներով: Նախատեսվում էր այս տարվա դեկտեմբերին Ամստերդամի կենդանաբանական այգուց Երևան տեղափոխել էգերի՝ հետագա բազմացման նպատակով:
Երևանի կենդանաբանական այգու աշխատակազմը կենդանիների անկման պատճառ է համարում այգու ողջ տարածքի ցանկապատման բացակայությունը: Նշվում է, որ 2011թ.-ից սկսած՝ սա թափառող շների ներթափանցման 3-րդ դեպքն է, որի ընթացքում վնաս է պատճառվել: Պատասխանատու կառույցը՝ Երևանի քաղաքապետարանը, արդեն սկսել է տարածքի պարսպապատումը:
UPD 1. Նոյեմբերի 1-ին, ժամը 6:00-ի սահմաններում, թափառող շները հերթական անգամ ներթափանցել են Երևանի կենդանաբանական այգու տարածք: Այգու տարածած հաղորդագրության համաձայն՝ շների ոհմակն այս անգամ հոշոտել է 3 մուֆլոնի: Շներին չեն կարողացել բռնել:
Երևանի կենդանաբանական այգին ահազանգել է չստերջացված և վտանգավոր շների ոհմակի առկայության վտանգավորության մասին: Խնդրի կարգավորման համար դիմել են պատկան կառույցներին, նաև՝ իրավապահ մարմիններին՝ նախաքննություն սկսելու նպատակով:
UPD 2. Երևանի քաղաքապետարանի մամուլի քարտուղարը հաղորդել է, որ քաղաքապետի տեղակալ Տիգրան Վիրաբյանը «Երևանի կենդանաբանական այգի» ՀՈԱԿ-ի տնօրենին առաջարկել է ազատել զբաղեցրած պաշտոնը։ Ռուբեն Խաչատրյանն ընդունել է առաջարկը և հրաժարական ներկայացրել:
Քաղաքապետի տեղակալը նշել է, որ հրաժարականի առաջարկը պայմանավորված է Այգու կառավարման հարցերում հաճախակի դարձած խնդիրներն են, մասնավորապես՝ այս օրերին տեղի ունեցած դեպքերը:
Մասաչուսեթսի Քեյփ Քոդ թերակղզում հայտնաբերվել է Malaclemys terrapin տեսակի երկգլխանի կրիայի հազվագյուտ ձագ։ Ընդամենը մոտ 5 գրամ կշռող կենդանու մոտ առկա է բիցեֆալիա՝ զարգացման անոմալիա, որի դեպքում ձևավորվում է երկու գլուխ։ Այժմ ձագը գտնվում է Cape Wildlife Center-ի մասնագետների հսկողության տակ, որոնք հետևում են նրա սնվելուն, աճին և շարժումներին։
Մասաչուսեթսի Քեյփ Քոդ թերակղզում հայտնաբերվել է Malaclemys terrapin տեսակի երկգլխանի կրիայի հազվագյուտ ձագ։ Ընդամենը մոտ 5 գրամ կշռող կենդանու մոտ առկա է բիցեֆալիա՝ զարգացման անոմալիա, որի դեպքում ձևավորվում է երկու գլուխ։ Այժմ ձագը գտնվում է Cape Wildlife Center-ի մասնագետների հսկողության տակ, որոնք հետևում են նրա սնվելուն, աճին և շարժումներին։
Մասաչուսեթսի Քեյփ Քոդ թերակղզում հայտնաբերվել է Malaclemys terrapin տեսակի երկգլխանի կրիայի հազվագյուտ ձագ։ Ընդամենը մոտ 5 գրամ կշռող կենդանու մոտ առկա է բիցեֆալիա՝ զարգացման անոմալիա, որի դեպքում ձևավորվում է երկու գլուխ։ Այժմ ձագը գտնվում է Cape Wildlife Center-ի մասնագետների հսկողության տակ, որոնք հետևում են նրա սնվելուն, աճին և շարժումներին։
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները