Ինտերնետ ունեցողների թիվը 2018թ. Հայաստանում աճել է 10,3%-ով
Հայաստանում ինտերնետից օգտվողների թիվը 2016թ. կազմել է մոտ 64%: 2017թ. բնակչության 70%-ն է օգտվել ինտերնետից, իսկ 2018-ին՝ 98%-ը:
Հայաստանում ինտերնետից օգտվողների թիվը նախորդ տարի կազմել է 2 միլիոն 893 հազար 964 մարդ, որը հավասար է բնակչության շուրջ 98%-ին:
Ինչպես հաղորդվում է՝ 2018թ. ինտերնետ հասանելիություն ունեցող բաժանորդների թիվը 2017թ. համեմատ աճել է 10.3%-ով: 2016թ. ինտերնետից օգտվել է բնակչության 64.2%-ը: 2017թ-ին արդեն ինտերնետ կապից օգտվողների թիվը կազմել է բնակչության մոտ 70%-ը:
Բջջային կապի բաժանորդների թիվը 2018թ. 2017-ի համեմատ աճել է 2.6%-ով: Ստացված տվյալների համաձայն՝ շարժական կապի 2G և 3G ծածկույթն ընդգրկում է Հանրապետության բոլոր բնակավայրերը: Նրանց մեծ մասն ապահովված է նաև 4G և 4G+ ծածկույթով, ընդ որում՝ 4G+ տեխնոլոգիայի ծածկույթը տարածվում է բնակավայրերի 88%-ի վրա:
Հայաստանի 1003 բնակավայրից 3-ում շարժական կապ չկա: Եվս 4 բնակավայր ընդհանրապես չունի ամրակցված կապ. դրանք այլևս բնակեցված չեն:
Մեկնաբանությունները