Ձերբակալվել է բլոգեր Ռոմանովը, ով ակտիվորեն լուսաբանել էր Թավշյա հեղափոխությունը
Խաբարովսկում բողոքի ցույցերը նկարահանելու և հրապարակելու մեղադրանքով բերման ենթարկվելիս Ալեքսեյ Ռոմանովը կրկին «Դուխով» գրառմամբ շապիկով էր:
ՌԴ Խաբարովսկի երկրամասում ձերբակալվել է բլոգեր Ալեքսեյ Ռոմանով: Նա մեղադրվում է նախկին նահանգապես Սերգեյ Ֆուրգալի ձերբակալությանը դեմ արտահայտվող ցույցերը լուսաբանելու, դրանց մասնակցելու մեջ: Բլոգերին կալանավորել են 7 օրով:
Բլոգերը նշել է, որ ոստիկանությունն իր նկատմամբ բարյացկամ վերաբերմունք է ցուցաբերել, սակայն նա չի արդարացրել իր նկատմամբ հետապնդումը՝ կասկածելով, որ մինչ այդ իրեն գաղտնի հետևել են:
Ռոմանովը Խաբարովսկի նախկին հաղորդավար ու լրագրող է: Նա 2016թ. ընտանիքի հետ հարկադրված լքել է Ռուսաստանը, հաստատվել Վրաստանում: Պատճառը, բլոգերի խոսքով, իշխանությունների կողմից իր նկատմամբ կիրառվող ճնշումն էր: 2019թ. Ռոմանովը վերադարձել է Ռուսաստան:
Մինչ ՌԴ վերադառնալը՝ Ալեքսեյ Ռոմանովը եղել է նաև Հայաստանում: Մասնավորապես, նա Երևանում է գտնվել 2018թ. ապրիլին՝ Թավշյա հեղափոխության օրերին, հրապարակել է հեղափոխական ցույցերի մասին տեսանյութեր:
Ռոմանովը հայկական հեղափոխությունից հետո նույնպես բազմիցս անդրադարձել է Հայաստանում տեղի ունեցող փոփոխություններին: Խոսել է Սահմանադրական և հեղափոխական փոփոխությունների մասին: Ինչպես երևում է նրա հրապարակումներից՝ ոգևորված է Հայաստանում տեղի ունեցող գործընթացներում: Ուշագրավ է, որ Ռոմանովը ձերբակալման պահին կրում է հայատառ «Դուխով» գրառմամբ շապիկ, որը Թավշյա հեղափոխության խորհրդանիշներից էր:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները