ՀԱՊԿ-ից արձագանքել են Նիկոլ Փաշինյանի հայտարարությանը
Կազմակերպությունն ի գիտություն է ընդունել Հայաստանի վարչապետի պաշտոնակատար Նիկոլ Փաշինյանի հայտարարությունները` նշելով, որ խորհրդակցությունները շարունակվում են:
ՀԱՊԿ մամուլի քարտուղար Վլադիմիր Զայետդինը հայտնել է, որ Կազմակերպությունն ի գիտություն է ընդունել Հայաստանի վարչապետի պաշտոնակատար Նիկոլ Փաշինյանի հայտարարությունները` նշելով, որ խորհրդակցությունները շարունակվում են:
Մամուլի քարտուղարի հիշեցմամբ` նախորդ օրը ՀԱՊԿ գլխավոր քարտուղարի տեղակալ Վալերի Սեմերիկովը հայտարարել է, որ հայ-ադրբեջանական սահմանին տիրող իրավիճակը պահանջում է անհապաղ միջոցների ձեռնարկում, առաջին հերթին` քաղաքական-դիվանագիտական բնույթի, ինչպես նաև սահմանագծման և սահմանազատման աշխատանքների առումով:
Հիշեցնենք, որ Նիկոլ Փաշինյանը խորհրդարանում հարց ու պատասխանի ժամանակ հայտարարել է, որ հայկական կողմը չի բացառում ՄԱԿ Անվտանգության խորհրդին դիմելու հարցը, եթե ՀԱՊԿ-ի գործիքակազմը չլուծի սահմանային խնդիրը: Բացի այդ` նա նշել է, որ Հայաստանին չի բավարարում ՀԱՊԿ-ի արագաշարժությունը: Փաշինյանը նաև շեշտել է, որ Կազմակերպությունը և նրա անդամները հրապարակային դիրքորոշում չեն հայտնել:
Մեկնաբանությունները