Forbes-ը Երևանն ընդգրկել է 10 թերագնահատված վայրերի ցանկում, ուր կարելի է այցելել 2020թ.-ին — Շեշտ.am (shesht.am)
3 րոպե
Խմբագրություն

Forbes-ը Երևանն ընդգրկել է 10 թերագնահատված վայրերի ցանկում, ուր կարելի է այցելել 2020թ.-ին

Երևանի համար հեղինակներն առանձնացրել են Արարատ լեռան տեսարանը, եկեղեցիները, ինչպես նաև Դոլմաման և Մարիոթը՝ որպես հեղինակավոր մարդկանց այցելած վայրեր:

Երեկոյան Երևան, տեսարան դեպի Արարատ լեռը / ©armeniatourinfo.com

Հռչակավոր Forbes ամսագիրը ներկայացրել է աշխարհի վայրեր, որոնք ըստ արժանվույն գնահատված չեն որպես զբոսաշրջային ուղղություններ, բայց խոստումնալից են: Նրանց շարքում է նաև Երևանը: Ամսագրի լրագրողը Հայաստանը ներկայացնում է որպես աշխարհի առաջին քրիստոնեական երկիր՝ հնագույն պատմությամբ:

Ամսագրի նշված հոդվածում խոսվում է Հայաստանի՝ այցելության համար ամենահետաքրքիր կառույցների՝ քրիստոնեական եկեղեցիների և UNESCO-ի ցանկում ընդգրկված հոյակերտ տաճարների ավերակների մասին:

Հեղինակները նշում են, որ մայրաքաղաք Երևանը հայտնի է նաև այստեղից դեպի Հայաստանի ազգային խորհրդանիշ հանդիսացող Արարատ լեռը բացվող տեսարանով: Խոսվում է նաև Երևանի բնութագրի՝ «վարդագույն քաղաքի» մասին՝ վարդագույն հրաբխային տուֆով կառուցված ճարտարապետական շինությունների պատճառով:

Երևանյան առանձնահատկություններից նշվել են նաև Դոլմամա ռեստորանը, ուր այցելել են բազմաթիվ ճանաչված մարդիկ, այդ թվում՝ Հիլարի Քլինթոնը, արքայազն Չարլզը,  Ժերար Դեպարդյեն, դեպի Հանրապետության Հրապարակ բացվող Մարիոթ հյուրանոցը: Հոդվածում խորհուրդ է տրվում այցելել հենց այս վայրերը, ուր եղել է նաև Քիմ Քարդաշյանը:

Երևանից բացի, Forbes-ի թերագնահատված վայրերի ցանկում են ընդգրկվել Ուրուգվայի Կոլոնիա-դել-Սակրամենտոն, Վիետնամի Կոն Դաոն, Նիգերիայի Լագոսը, Կամբոջայում Մոնդուլկիրին, Բելիզի Պունտա Գորդան, Նիդերլանդների Ռոտերդամը, ԱՄՆ-ի Սան Անտոնիոն, Չիլիի Սանտյագոն և Չեխիայի Տելչը:

Հոդվածի հեղինակները պնդում են, որ այս վայրերն ընդհանուր առմամբ հայտնի են փորձառու զբոսաշրջիկներին, սակայն կարիք կա, որպեսզի առավել մանրամասն ուսումնասիրվեն:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

4 րոպե
Խմբագրություն

Ենթադրվում է, որ կրկնվելու է Վրաստանի օրինակը. Հայաստանը, հավանաբար, կստանա Լեռնային Ղարաբաղը՝ այս կամ այն տեսքով, իսկ Ռուսաստանը վերջնականորեն կկորցնի Ադրբեջանը:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.