Պուտինի մասին Բայդենի խոսքերից հետո Արսեն Ավակովն ուկրաինացիներին կոչ է արել պատրաստվել պատերազմի

Ուկրաինայի ներքին գործերի նախարար Արսեն Ավակովը հայտարարել է, որ Բայդենի արտահայտությունը կհանգեցնի Արևմուտքի և Ռուսաստանի միջև «սառը պատերազմի», ինչն Ուկրաինայի համար կարող է վերածվել «թեժ պատերազմի»:

Նորություններ

# Արսեն Ավակով

# Ուկրաինա

# Պատերազմներ

# Ջո Բայդեն

# Վլադիմիր Պուտին

Արսեն Ավակով / © Avakov.com / Հեղինակ՝ անհայտ, լուսանկարը տրամադրել է օգտատերը

ԱՄՆ-ի նախագահ Ջո Բայդենի կողմից ՌԴ նախագահ Վլադիմիր Պուտինի հասցեին հնչած կտրուկ արտահայտությունները Կիևում բացասական ռեակցիա են առաջացրել:

Ուկրաինայի ներքին գործերի նախարար Արսեն Ավակովը, մասնավորապես, հայտարարել է, որ Բայդենի հայտարարությունները կհանգեցնեն «սառը պատերազմի», ինչն Ուկրաինայի համար կարող է վերածվել «թեժ հակամարտության»:

Ավակովի խոսքով` «սառը պատերազմ կարող է ի հայտ գալ արևմտյան քաղաքակրթության և ռուսական կայսրության միջև»: Նախարարը նշել է, որ Ուկրաինան պետք է դրան պատրաստ լինի, քանի որ իրենց համար դա կարող է վերածվել իրական պատերազմի:

Հիշեցնենք, որ Ջո Բայդենը հարցազրույցներից մեկի ժամանակ Վլադիմիր Պուտինին մարդասպան էր անվանել, ով «պատասխան պետք է տա ամեն ինչի համար»:

Ի պատասխան ԱՄՆ նախագահի խոսքերի` ՌԴ նախագահի մամուլի քարտուղար Պեսկովն այդ արտահայտությունը որակել էր «շատ վատը»: Պուտինն անձամբ կոշտ պատասխանի փոխարեն առողջություն էր մաղթել 78-ամյա Բայդենին:

Վրիպա՞կ գտաք։ Նշեք հատվածը և սեղմեք Ctrl + Enter։