Պատվաստումների մասին տեղեկություն փնտրողների համար Facebook-ում ուսուցողական պատուհան կբացվի
Առողջապահության համաշխարհային կազմակերպության հետ մշակվող պատուհանը հնարավորություն կտա հավաստի տեղեկություններ ստանալ պատվաստումների մասին:
Facebook ընկերությունը Առողջապահության համաշխարհային կազմակերպության հետ համագործակցությամբ մշակում են հատուկ պատուհան՝ բժշկական ռեսուրսներին հղումով: Այն ակտիվ կլինի, եթե օգտատերը սոցցանցում փնտրի պատվաստումների մասին տեղեկություն կամ այցելի այդ թեմայով խմբեր:
Ամերիկյան օգտատերերի համար կառաջարկվի մանրամասն տեղեկություններ ստանալ ԱՄՆ-ում հիվանդությունների վերահսկման և պրոֆիլակտիկայի կենտրոնի կայքից: Մյուս երկրների օգտատերերի համար Facebook-ը կառաջարկի այցելել Առողջապահության համաշխարհային կազմակերպության (ԱՀԿ) կայք:
ԱՀԿ-ն և Facebook-ը ամիսներ շարունակ քննարկել են վակցինաների մասին հավաստի տեղեկությունների հասանելիության հարցում մարդկանց աջակցելու և ստահոդ հրապարակումները նվազեցնելու տարբերակները:
Մարտ ամսին Facebook-ի ղեկավարությունն սկսել է պայքարել սոցցանցերում պատվաստումների վերաբերյալ ապատեղեկատվության դեմ: Կայքը որոնողական տվյալներում բացառել է հակավակցինատորներին, նվազեցրել է դրանց առաջնահերթությունը նորությունների ցանկում: Բացի այդ՝ դադարեցվել են պատվաստումներից հրաժարվելու կոչերով գովազդները:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները