Վթար` էներգետիկ համակարգում. պարզաբանում (upd.)
«Վտանգավոր բան չկա, ուղղակի խոշոր վթար է եղել»: Էլեկտրաէներգիայի մատակարարումն աստիճանաբար վերականգնվում է:
Ստեղծված իրադրության վերաբերյալ փոխվարչապետ Տիգրան Ավինյանը պարզաբանել է, որ խնդիրը կապված է էներգետիկ համակարգում վթարի հետ, անջատվել են Երևանի ՋԷԿ-ը և Հրազդանի 5-րդ բլոկը: Փոխվարչապետ նշել է, որ աշխատանքներ են տարվում մինչև 19:00-ն խնդիրը կարգավորելու ուղղությամբ:
Էլեկտրաէներգիայի անջատումների հետ կապված տարհանում է իրականացվել Երևանի Մետրոպոլիտենում:
Հաղորդվում է նաև, որ որոշ հատվածներում խափանված է ջրամատակարարումը, չեն աշխատում վճարային տերմինալները:
UPD. Ստացված տեղեկության համաձայն, թունելների մեջ գնացքներ չկան, բոլոր ուղեւորները տարհանվել են։
Երևանի քաղաքապետի մամուլի քարտուղար Հակոբ Կարապետյանը տեղեկացնում է, որ մետրոպոլիտենի ամբողջ երկայնքով էլեկտրաէներգիայի մատակարարումը ընդհատվել է: Թունելներում մնացած գնացքները հոսանքը մասամբ վերականգնումից հետո դուրս են բերվել:
Հաղորդվում է, որ Մետրոպոլիտենի աշխատանքը կվերսկսվի միայն էլեկտրաէներգիայի վերջնական կարգավորումից հետո:
UPD 2. ՀՀ տարածքային կառավարման և ենթակառուցվածքների փոխնախարար Հակոբ Վարդանյանը հայտնել է, որ հնարավոր է` մեկ ժամից վերականգնվի 5-րդ էներգաբլոկի աշխատանքը: Դրանով կվերականգնվի ամբողջ էներգամատակարարումը:
Փոխնախարարը նաև տեղեկացրել է, որ Երևանի մետրոպոլիտենում էլեկտրաէներգիայի մատակարարումն արդեն վերականգնված է:
UPD 3. «Վտանգավոր բան չկա, ուղղակի խոշոր վթար է եղել»,- նշել է Տարածքային կառավարման և ենթակառուցվածքների փոխնախարարը: Հակոբ Վարդանյանը նաև տեղեկացրել է, որ Տավուշի և Լոռու մարզերի մի մասն այս պահին էլեկտրաէներգիայի մատակարարում է ստանում Վրաստանից, իսկ հարավում Իրանից ներմուծման ռեժիմով են աշխատում:
Նախարարությունը նաև պարզաբանում էր տարածել` կապված վթարի վայրի և պատճառների մասին: Հայտարարության մեջ մասնավորապես նշված է, որ տեղի են ունեցել հաճախականության տատանումներ, որը գործի է դրել կայանների պաշտպանական համակարգերը: Անջատվել է նախ Հրազդան ՋԷԿ-ի 5-րդ էներգաբլոկը, ապա` Երևանի ՋԷԿ-ը և մյուս փոքր արտադրողները:
Նախարարությունը տեղեկացնում է, որ ներկայումս տատանումներ չկան, վերականգնվել է կայունությունը: Էլեկտրաէներգիայի մատակարարումն աստիճանաբար վերականգնվում է:
UPD 4. Իրանական կողմում տեղի են ունեցել վթարներ: Տարածքային կառավարման և ենթակառուցվածքների նախարարի տեղակալը նշել է, որ Հայաստանի էներգահամակարգը սինխրոն կապ ունի իրանականի հետ, և տատանումը երկրներից մեկում զգացվում է նաև մյուսում:
Փոխնախարարը տեղեկացրել է, որ հաճախականության ուժեղ տատանումները հնարավոր է տեղի ունեցած լինեն Իրանի էներգահամակարգում նույն ժամանակահատվածում տեղի ունեցած վթարից:
Նրա խոսքով՝ վարկածներից մեկն այն է, որ հաճախականության հզոր տատանումները եկել են իրանական էներգահամակարգում տեղի ունեցած վթարից։
UPD 5. Փոխվարչապետ Տիգրան Ավինյանը րոպեներ առաջ հայտարարեց, որ Երևանի ՋԷԿ-ը վերագործարկվել է:
UPD 6. Երեւանի մետրոպոլիտենը ժամը 18:55-ից վերսկսել է աշխատանքը։ Այս մասին հաղորդում է Երեւանի քաղաքապետի մամուլի քարտուղարը։
Հրազդան ՋԷԿ-ի 5-րդ բլոկը նույնպես վերագործարկվել է։
2026 թվականի սեպտեմբերի 28-ին Starship-ն առաջին անգամ ուղեծրային թռիչք կատարեց՝ դառնալով մեկ արձակմամբ Երկրի ուղեծիր դուրս բերված ամենամեծ և ամենազանգվածեղ օբյեկտը։ Մոտ հիսուն մետր բարձրությամբ ու ինը մետր տրամագծով տիեզերանավի թռիչքն ուղեկցվեց տեխնիկական խնդիրներով, սակայն այն կարողացավ վերահսկելիորեն վերադառնալ Երկիր։ Արդյո՞ք սա նշանակում է, որ SpaceX-ը կհասցնի պատրաստվել NASA-ի՝ 2028 թվականի սեպտեմբերին նախատեսված լուսնային վայրէջքին։
2026 թվականի սեպտեմբերի 28-ին Starship-ն առաջին անգամ ուղեծրային թռիչք կատարեց՝ դառնալով մեկ արձակմամբ Երկրի ուղեծիր դուրս բերված ամենամեծ և ամենազանգվածեղ օբյեկտը։ Մոտ հիսուն մետր բարձրությամբ ու ինը մետր տրամագծով տիեզերանավի թռիչքն ուղեկցվեց տեխնիկական խնդիրներով, սակայն այն կարողացավ վերահսկելիորեն վերադառնալ Երկիր։ Արդյո՞ք սա նշանակում է, որ SpaceX-ը կհասցնի պատրաստվել NASA-ի՝ 2028 թվականի սեպտեմբերին նախատեսված լուսնային վայրէջքին։
Հայաստանում բենզինը կրկին թանկացել է․ ԱԻ-92 տեսակի մեկ լիտրի գինը հասել է 600 դրամի, իսկ ԱԻ-95-ինը՝ 620 դրամի։ Որոշ միջազգային ցանցերում գներն ավելի բարձր են, սակայն առանձին առաջարկներով վառելիքը կարելի է գնել նաև ավելի էժան։
Հայաստանի՝ չեխական L-39 Skyfox ուսումնական ինքնաթիռներ ձեռք բերելու հնարավորության մասին ենթադրությունները կապում են երկու իրադարձության հետ՝ չբացահայտված պատվիրատուի համար չորս մեքենայի արտադրության և Վահագն Խաչատուրյանի՝ Aero Vodochody այցի։ Սակայն այս տեղեկությունները դեռ չեն հաստատում Հայաստանի հետ պայմանագրի առկայությունը։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
Rocket Lab-ի Electron հրթիռը սեպտեմբերի 19-ին ուղեծիր է դուրս բերել ճապոնական Synspective ընկերության տասներկուերորդ StriX ռադարային արբանյակը։ Այն նախատեսված է Երկրի մակերևույթը դիտարկելու համար, սակայն շահագործման կհանձնվի առաջիկա ամիսների փորձարկումներից հետո։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները