Պոկերային սեղանը՝ համավարակի պայմաններում
Ֆլորիդայի խաղատներից մեկում փորձարկում են պոկերային նոր սեղանները, որոնք շրջապատված են օրգանական ապակիով: Օգտատերերը, սակայն, քննադատել են մտահղացումը:
Ֆլորիդայի խաղատներից մեկը փորձարկում է պոկերային նոր սեղանները, որոնք պետք է ապահովեն խաղացողների անվտանգությունը՝ համավարակի պայմաններում: Կառուցվածքը կազմված է սովորական խաղասեղանից՝ շրջապատված օրգանական թափանցիկ ապակիով (պլեքսիգլաս), որի ներքևի հատվածը բաց է:
Թվիթերյան օգտատերերն ուշադրություն են դարձրել նման լուծման թույլ տեղերին: Օրինակ՝ հարցրել են՝ արդյո՞ք խաղաթղթերը յուրաքանչյուր անգամ խաղացողներին բաժանելուց առաջ ախտահանվում են, կամ ինչպե՞ս են շրջանցում խաղանիշերը:
Օգտատերերը նաև նշել են, որ միևնույն տարածքում կորոնավիրուսով հնարավոր վարակվածների հետ գտնվելու դեպքում վտանգը չի նվազում նույնիսկ պլեքսիգլասի դեպքում:
Մեկնաբանությունները