10 լավագույն և օրիգինալ սեղանի խաղերը` հետաքրքիր ժամանցի համար
Կրեատիվ նվերների want.am կայքի հետ համատեղ մեր ընթերցողի համար կազմել ենք սեղանի խաղերի լավագույն 10-յակը` սեղանի խաղերի ամենահարգված կայքի հիման վրա: Հաշվի են առնվել հայկական լսարանի հետաքրքրությունները և Հայաստանի շուկայում դրանց հասանելիությունը:
1. Catan
«Գաղութարարներ» սեղանի խաղը տարիներ շարունակ հանդիսանում է աշխարհի ամենահռչակավոր խաղերից մեկը: Գաղութարարները Կատան հսկայական կղզում պետք է յուրացնեն տարածքը, հումք հայթայթեն, ճանապարհներ գցեն ու քաղաքներ հիմնեն, առևտուր անեն և պայքարեն ավազակների դեմ, ստեղծեն իրենց հզոր պետությունը: Կղզին պատուհան է դեպի հրապուրիչ աշխարհ, որտեղ անընդհատ ինչ-որ հետաքրքիր բան է կատարվում:
2. Pandemia
Համաճարակը կոոպերատիվ խաղ է: Բոլոր խաղացողները հաղթում կամ պարտվում են միաժամանակ: Խաղի նպատակն է` հայտնաբերել դեղորայք բոլոր չորս հիվանդությունների դեմ, քանի դեռ համաճարակը չի զավթել աշխարհը: Խաղացողները` մասնագետները, պետք է պտտվեն աշխարհի շուրջը, զսպեն հիվանդության 9-րդ ալիքը, ձեռք բերեն դեղորայքի պատրաստման համար անհրաժեշտ ռեսուրսներ: Յուրաքանչյուր խաղացող ունի հատուկ հնարավորություններով իր սեփական դերը, ինչն օգնում է թիմին հաղթել:
3. Small Warld
Մարտավարական հետաքրքիր խաղ, որի էությունը կայանում է տարբեր ազգությունների միջև դաժան պատերազմների վարման մեջ՝ հողեր գրավելու համար: Խաղը շարունակվում է մի քանի ռաունդ: Հաղթում է նա, ով ամբողջ խաղի ընթացքում կհավաքի ամենաշատ քանակությամբ դրամ:
4. Munchkin
Անսովոր և հետաքրքիր սեղանի խաղ ֆանտաստիկա ոճի մեջ՝ զրահավորված լևիաֆաններով, խելագար գիտնականների շայթան-մեքենաներով և կրինոլինային զրահներով: Հաղթում է այն խաղացողը, ով առաջինը կկարողանա հասնել 10-րդ մակարդակ:
5. Jenga
«Ջենգա»-ն հայտնի է նաև «փլուզվող աշտարակ» անունով: Հետաքրքիր խաղի սկզբունքը հետևյալն է՝ փայտե չորսուներից կառուցվում է աշտարակ, այնուհետև խաղացողները սկսում են զգուշորեն հանել մեկական չորսու և այն դնել աշտարակի գագաթին:
6. Imaginarium
«Իմաջինարիում» խաղում հաղթանակի հասնում են խաղացողների հարուստ երևակայության և խորաթափանցության շնորհիվ: Նրանք պետք է ասոցիացիաներ հորինեն իրենց սեփական քարտերի համար և կռահեն մյուս խաղացողների մտածած ասոցիացիաները: «Իմաջինարիում»-ը շատ հետաքրքիր խաղ է, որը լավ ժամանակ կապահովի ընտանիքի և ընկերների հետ:
7. ALIAS
«ALIAS»-ը բառային խաղ է: Այն հայտնի է ամբողջ աշխարհում և ունի իր բազմաթիվ տարբերակները` փոքրիկների, մեծերի, ընտանիքի համար: Անհրաժեշտ է բացատրել ներկայացված բառերը` օգտագործելով այլ բառեր, որոնք բաղկացած չեն մեկ արմատից: Կարճ ժամանակում որքան շատ բառ գուշակեք, այնքան շատ միավոր կստանաք:
8. Соображарий
«Գլխի ընկի՛ր» խաղն գերազանց ընտրություն է ընտանեկան հավաքույթների կամ ուրախ երեկույթների համար։ Այն դուր կգա և՛ մեծերին, և՛ փոքրերին: Այս խաղում հաղթանակի համար պետք չէ լինել ամենագիտակը, այլ, ուղղակի, պետք է բոլորից շուտ գլխի ընկնել: Օրինակ` կարո՞ղ եք մեկ րոպեում հիշել, թե «Մ» տառով սկսվող որքան մասնագիտություն կա…
9. Mafia
«Մաֆիա»-ն դասական հոգեբանական խաղ է, որը շատ հարմար է երեկույթներին խաղալու համար՝ ընկերների հետ միասին: Խաղի նպատակն է` պարզել, թե մասնակիցներից ով է մաֆիան, ով ամեն գիշեր առևանգում է քաղաքի խաղաղ բնակիչներին:
10. Monopoly
«Մոնոպոլիա»-ն հնարավորություն է տալիս ուրախ ժամանակ անցկացնել հարազատների և մտերիմների հետ: Պատկերացրեք, թե Դուք հաջողակ գործարար եք անշարժ գույքի աշխարհում: Ձեզանից պահանջվում է ներդնում կատարել անշարժ գույքի օբյեկտների մեջ և շահույթ ստանալ, գործարքներ կնքել խաղընկերների հետ և այլն: Միայն պետք չէ մոռանալ մրցակցության մասին, չէ՞ որ ամենավերևում տեղ կա միայն մեկ հոգու համար: Մյուսները ենթական են սնանկացման:
Մեկնաբանությունները