Հիդրոքսիքլորոքինը և Ազիթրոմիցինը կորոնավիրուսի բուժման նախնական միջոց են դիտարկել նաև Ֆրանսիայում
Հաղորդվել է, որ հակամալարիական դեղամիջոցի կոմբինացիան (հիդրոքսիքլորոքին և ազիթրոմիցին) բավականին արդյունավետ կարող է լինել Covid-19-ի բուժման հարցում: Նման միտք էր արտահայտել նաև Դոնալդ Թրամփը:
Քաղաքագետների և կազմակերպությունների համար նախատեսված սոցիալական YukoSocial.com կայքի գլխավոր տնօրեն Մայքլ Կուդրին իր թվիթերյան էջում հաղորդել է, որ ֆրանսիական հետազոտությունն ապացույց է ներկայացրել, ըստ որի՝ հակամալարիական դեղամիջոցի կոմբինացիան (հիդրոքսիքլորոքին և ազիթրոմիցին) բավականին արդյունավետ են Covid-19-ի բուժման հարցում:
Հետազոտությանը ներգրավված պացիենտների մոտ, ինչպես նշվում է, բուժման հինգերորդ օրն արձանագրվել է վիրուսի ոչնչացում:
ԱՄՆ-ի Առողջապահության և սոցիալական ծառայությունների Սննդամթերքի և դեղամիջոցների որակի սանիտարական վերահսկման վարչությունը (FDA) նույնպես նման եզրահանգման է եկել:
Այդ կապակցությամբ՝ ԱՄՆ-ի նախագահ Դոնալդ Թրամփը գրել է, որ հիդրոքսիքլորիքինը և ազիթրոմիցինը՝ միասին, իրական հնարավորություն ունեն բժշկության պատմության մեջ ներմուծելու նշանակալից փոփոխություններից մեկը:
Թրամփի խոսքով՝ FDA-ն «սարը շարժել է տեղից»: ԱՄՆ նախագահը նաև շնորհակալություն է հայտնել Վարչությանը:
Սակայն պետք է նշել, որ ֆրանսիացի մասնագետների կողմից կատարված հետազոտությանը բավականին քիչ թվով մարդ է մասնակցել (26 մարդ), և արդյունքները դեռևս խիստ նախնական են, մինչդեռ գիտական հիմնավորման համար ավելի շատ մասնակիցներ են անհրաժեշտ և կրկնակի կույր թեստավորման մեթոդ: Միայն դրանից հետո կարելի է այն համարել արդյունավետ միջոց:
Մեկնաբանությունները