Երկու պիթոններն Ավստրալիայում կոտրել են առաստաղն ու ընկել ցած

Հայտնի չէ, թե ինչպես են 50 կգ ընդհանուր քաշով, 2,5 և 2,8 մետր երկարությամբ օձերը հայտնվել կտուրում, բայց ենթադրվում է, որ կռվել են մոտակայքում գտնվող էգի համար:

Պատմություններ

# Ավստրալիա

# Արտառոց դեպքեր

# Օձեր

Առաստաղից ընկած օձերից մեկը / © Brisbane North Snake Catchers and Relocation / Հեղինակ՝ անհայտ, լուսանկարը տրամադրել է օգտատերը

Եթե որոշեք ապրել Ավստրալիայում, պետք է մշտապես պատրաստ լինեք «անհրավեր հյուրերի ժամանմանը». միջատներ, հազարոտնուկներ, ռեպտիլիաներ և այլ զզվելի արարածներ, սակայն սեփական տան մեջ պիթոնների հայտնվելն արդեն չափից դուրս է, հատկապես երբ նրանք ընկնում են առաստաղից:

Հենց նման իրավիճակի է բախվել Քվինսլենդ նահանգի Լեյսիս-Կրիկի բնակիչը, երբ վերադարձել էր տուն ու նկատել փլված առաստաղը: Տեղյակ լինելով, որ ոչ անձրև, ոչ էլ այլ աղետ նախօրեին տեղի չի ունեցել, նա փորձել է հասկանալ, թե ինչ է տեղի ունեցել:

https://www.facebook.com/brisbanenorthsnakecatchersandrelocation/posts/1252017935139414

Շուտով նա հայտնաբերեց երկու պիթոնների՝ 2,5 և 2,8 մետր երկարությամբ: Նրանցից մեկը սողացել է դեպի ննջասենյակ, մյուսը՝ հյուրասենյակ: Ենթադրվում է, որ երկու օձերի ընդհանուր քաշը շուրջ 50 կգ է: Տիրոջ կանչով ժամանել է օձերի որսացող Ստիվեն Բրաունը: Վերջինիս խոսքով՝ այդ երկու պիթոնները կռվել են էջի համար, որը նույնպես տանիքում է գտնվել: Նրան, սակայն, չեն գտել:

Մասնագետը և տանտերը չեն կարողացել պարզել, թե ինչպես են պիթոնները հայտնվել տանիքում: Օձերին, արդյունքում, վերադարձրել են վայրի բնություն:

Վրիպա՞կ գտաք։ Նշեք հատվածը և սեղմեք Ctrl + Enter։