Բոլորը խոսում են Իրանի և Սինգապուրի հետ ազատ առևտրի համաձայնագրերի մասին. ի՞նչ կտան դրանք Հայաստանին
Ի՞նչ նշանակություն ունի Հայաստանի համար համագործակցությունը Սինգապուրի և Իրանի հետ: Մասնագետները համաձայնագրերը համարում են տնտեսական, ինչպես նաև քաղաքական հաջողություն:
Այսօր՝ հոկտեմբերի 1-ին, առանձնահատուկ իրադարձություն է. Երևանում են ԵԱՏՄ անդամ պետությունների, ինչպես նաև Սինգապուրի, Իրանի և Մոլդովայի ղեկավարները: Հայաստանն այս տարի նախագահում է այդ կառույցում: Տարվա տնտեսաքաղաքական իրադարձությունների շրջանակում առանձնահատուկ տեղ են զբաղեցնում Հայաստան-Սիգնապուր և Հայաստան-Իրան նոր մակարդակի հարաբերությունները, որոնց անդրադառնանք առանձին:
Համաձայնագրեր՝ Սինգապուրի հետ
ՀՀ կառավարությունն օրերս հավանություն է տվել «Եվրասիական տնտեսական միության և նրա անդամ պետությունների՝ մի կողմից, և Սինգապուրի Հանրապետության՝ մյուս կողմից, միջև ազատ առևտրի մասին» համաձայնագրի ստորագրման առաջարկությանը:
Համաձայնագիրը նպատակ ունի վերացնել կողմերի միջև առևտրային և ներդրումային խոչընդոտները, նվազեցնել բիզնեսի ծախսերը և բարձրացնել տնտեսական արդյունավետությունը: Ստեղծվելու են շահավետ միջավայր և պայմաններ՝ առևտրային փոխադարձ հարաբերությունների զարգացման համար:
Կառավարությունը հավանություն է տվել նաև «Համապարփակ տնտեսական համագործակցության մասին» շրջանակային համաձայնագրի ստորագրման առաջարկությանը, որի հիմնական նպատակն ապրանքների ու ծառայությունների առևտրի խթանումն է:
Երրորդ համաձայնությունը, որ տրվել է ՀՀ կառավարության կողմից, վերաբերում է «Հայաստանի Հանրապետության և Սինգապուրի Հանրապետության միջև ծառայությունների առևտրի և ներդրումների մասին» համաձայնագրի ստորագրման առաջարկությանը: Սա ԵԱՏՄ և անդամ պետությունների ու Սինգապուրի Հանրապետության միջև ազատ առևտրի մասին համաձայնագրի ամբողջական փաթեթի բաղկացուցիչ մասն է: Սրանով, փաստորեն, ամբողջությամբ ազատականացվում է ապրանքների առևտուրը:
Հաղորդվում է, որ Համաձայնագիրն ուժի մեջ մտնելուց հետո 4858 ապրանքատեսակի դեպքում կկիրառվի 0% մաքսատուրքի դրույքաչափ, 597 ապրանքների մասով 3 տարի հետո մաքսատուրքերի դրույքաչափը կիջեցվի 0-ի, 2340 ապրանքի մասով` 5 տարի հետո, 2201 ապրանքների մասով մաքսատուրքը կիջեցվի 0-ի 7 տարի անց, իսկ 716 ապրանքի մասով`
համաձայնագրի ուժի մեջ մտնելուց 10 տարի հետո:
Ապրանքաշրջանառության ծավալները /հազ. ԱՄՆ դոլար/
| Սինգապուր | Արտահանում | Ներմուծում (ըստ ծագման երկրի) |
| 2014 | 2767.5 | 4014.6 |
| 2015 | 1692.0 | 2229.5 |
| 2016 | 1715.0 | 1124.0 |
| 2017 | 1425.3 | 3113.5 |
| 2018 | 677.8 | 1528.1 |
Այսպիսով, Սինգապուրի հետ հաստատվում են ազատ առևտրային այնպիսի հարաբերություններ, որով Հայաստանից արտահանումը դեպի այդ երկիր ամբողջությամբ ազատվում է մաքսատուրքերից: Երկու երկրների վարչապետերը հանդիպման ժամանակ վստահեցրել են, որ համաձայնգրերը նոր թափ կհաղորդեն երկկողմ տնտեսական հարաբերությունների ակտիվացմանն ու այդ ուղղությամբ առկա մեծ ներուժի իրացմանը:
Համաձայնագիր՝ Իրանի հետ
Հայ-իրանական առևտրատնտեսական հարաբերությունների նոր փուլ է 2018թ. Եվրասիական տնտեսական միության անդամ պետությունների և Իրանի Իսլամական Հանրապետության միջև ստորագրված Ազատ առևտրի գոտու մասին ժամանակավոր համաձայնագիրը։ Իրանի նախագահը հայտարարել է, որ ժամանակավոր համաձայնագիրը ուժի մեջ է մտնելու 2019թ. հոկտեմբերի 27-ին:
Մասնագետներն ընդգծում են, որ ԵԱՏՄ-Իրան հարաբերություններում այս ձեռքբերումն առաջին հերթին ձեռնտու է Հայաստանին, քանի որ անդամ պետություններից միակ Հայաստանն է, որը ցամաքային կապ ունի Իրանի հետ: Բացի այդ, համաձայնագիրը մեծացնում է նաև տարածաշրջանում Հայաստանի քաղաքական դերի բարձրացումը:
Այս առումով իրանագետ Արմեն Իսրայելյանը նշել է, որ վերջին տարիներին մեր երկրի շուրջ առկա մեկուսացումը ճեղքվում է՝ հաշվի առնելով Ադրբեջան-Իրան-Ռուսաստան ձևաչափով եռակողմ համագործակցությունը։ Նրա համոզմամբ՝ Հայաստանի հնարավորությունները՝ որպես տարանցիկ երկիր, սկսել են կարևորել Իրանում»,-ասաց իրանագետը։
ՀՀ Տնտեսական զարգացման և ներդրումների նախարար Տիգրան Խաչատրյանը նշել է, որ Իրանի հետ պարզեցված առևտրի համաձայնագիրը մեծ հնարավորություններ կընձեռնի և՛ ԵԱՏՄ-ում, և՛ Իրանում գործող ընկերությունների համար: Դրանով Հայաստանը կկարողանա 300 անուն ապրանքի մասով շուրջ 80 միլիոնանոց շուկա դուրս գալ:
Նախարարը տեղեկացրել է, որ Համաձայնագրի շրջանակներում, օրինակ, Հայաստանից Իրան տավարի միսը 26%-ի փոխարեն կարտահանվի 10% մաքսատուրքով, կնվազի հանքային և գազավորված ջրերի արտահանումը ՝ 55-ից մինչև 14%: Փոխարենը անփոփոխ են մնացել հայկական կողմի համար հետաքրքրություն ունեցող ապրանքներից ոչխարի մսի, ձկան և մեղրի մաքսատուրքերը: Ընդ որում՝ նավթամթերքը ցածր մաքսատուրքով Իրանից Հայաստան ներմուծվող ապրանքների ցանկում ընդգրկված չէ:
Rocket Lab-ի Electron հրթիռը սեպտեմբերի 19-ին ուղեծիր է դուրս բերել ճապոնական Synspective ընկերության տասներկուերորդ StriX ռադարային արբանյակը։ Այն նախատեսված է Երկրի մակերևույթը դիտարկելու համար, սակայն շահագործման կհանձնվի առաջիկա ամիսների փորձարկումներից հետո։
Bell Textron-ը Տեխասի Ամարիլոյի գործարանում սկսել է Նիգերիայի համար նախատեսված առաջին AH-1Z Viper հարվածային ուղղաթիռի արտադրությունը։ Ընկերությունը պետք է պատրաստի 12 ուղղաթիռ և արտադրությունն ավարտի 2029 թվականի սկզբին։
Apple-ը սեպտեմբերի 18-ին սկսել է iPhone 18 Pro և Pro Max սմարթֆոնների, Apple Watch Series 12 ու Ultra 4 ժամացույցների և AirPods 5 ականջակալների վաճառքը։ Սարքերը ներկայացվել էին սեպտեմբերի 9-ին, իսկ նոր հաղորդագրությունը վերաբերում է խանութներում դրանց հասանելի դառնալուն։
Rocket Lab-ի Electron հրթիռը սեպտեմբերի 19-ին ուղեծիր է դուրս բերել ճապոնական Synspective ընկերության տասներկուերորդ StriX ռադարային արբանյակը։ Այն նախատեսված է Երկրի մակերևույթը դիտարկելու համար, սակայն շահագործման կհանձնվի առաջիկա ամիսների փորձարկումներից հետո։
Մասաչուսեթսի Քեյփ Քոդ թերակղզում հայտնաբերվել է Malaclemys terrapin տեսակի երկգլխանի կրիայի հազվագյուտ ձագ։ Ընդամենը մոտ 5 գրամ կշռող կենդանու մոտ առկա է բիցեֆալիա՝ զարգացման անոմալիա, որի դեպքում ձևավորվում է երկու գլուխ։ Այժմ ձագը գտնվում է Cape Wildlife Center-ի մասնագետների հսկողության տակ, որոնք հետևում են նրա սնվելուն, աճին և շարժումներին։
Bell Textron-ը Տեխասի Ամարիլոյի գործարանում սկսել է Նիգերիայի համար նախատեսված առաջին AH-1Z Viper հարվածային ուղղաթիռի արտադրությունը։ Ընկերությունը պետք է պատրաստի 12 ուղղաթիռ և արտադրությունն ավարտի 2029 թվականի սկզբին։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
Rocket Lab-ի Electron հրթիռը սեպտեմբերի 19-ին ուղեծիր է դուրս բերել ճապոնական Synspective ընկերության տասներկուերորդ StriX ռադարային արբանյակը։ Այն նախատեսված է Երկրի մակերևույթը դիտարկելու համար, սակայն շահագործման կհանձնվի առաջիկա ամիսների փորձարկումներից հետո։
Մասաչուսեթսի Քեյփ Քոդ թերակղզում հայտնաբերվել է Malaclemys terrapin տեսակի երկգլխանի կրիայի հազվագյուտ ձագ։ Ընդամենը մոտ 5 գրամ կշռող կենդանու մոտ առկա է բիցեֆալիա՝ զարգացման անոմալիա, որի դեպքում ձևավորվում է երկու գլուխ։ Այժմ ձագը գտնվում է Cape Wildlife Center-ի մասնագետների հսկողության տակ, որոնք հետևում են նրա սնվելուն, աճին և շարժումներին։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները