Microsoft-ը հայտնել է Windows 10-ի վերաձևման մանրամասները
Windows 10 OS-ի պատկերանիշն ու ծրագրերի պատկերակները վերանկարելու են նոր ոճով: Նոր դիզայնն էականորեն տարբերվելու է հնից:
Microsoft-ի դիզայնի և հետազոտությունների հարցերով փոխնախագահ Ջոն Ֆրիդմանը պատմել է Windows 10 օպերացիոն համակարգի դիզայնի փոփոխության մասին: Համակարգն ուզում են դարձնել ավելի օրգանական և ժամանակակից, ուստի պատկերանիշն ու ծրագրերի պատկերակները վերանկարել են Fluent Design ոճով: Վերաձևման գլխավոր նպատակն առավելագույնս միատեսակ դարձնելն է:
Fluent Design-ը ներկայացվել է մոտ երկու տարի առաջ Microsoft Build 2017 համաժողովի ժամանակ: Այն պահպանում է հասարակ տեսքը, բայց հեռու է Windows 8-ում և 10-ում կիրառված Metro UI հարթ դիզայնից: Fluent Design-ն բնորոշ են ստվերը, հետնապատկերի ողողվածությունը, պատկերակների վրա նշորդը (կուրսոր) պահելիս ամենատարբեր էֆեկտները:
Օպերացիոն համակարգի հիմնական պատկերանիշը (logo) նույնպես կփոխվի: Ներկայիս Windows 10-ում այն մեկ գույնից է բաղկացած, իսկ նորում կիրառվելու են մեկ գույնի տարբեր երանգներ՝ գրադիենտի նման:
Ավելի վաղ Huawei-ում պատմել էին սեփական օպերացիոն համակարգով սմարթֆոնի թողարկման մասին: WhatsApp-ն իր հերթին նախանշել էր հին OS-ներում մեսենջերի աշխատանքի դադարեցման մասին:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները