Telegram-ի միլիոնավոր օգտատերերի տվյալների բազան հայտնվել է դարքնեթում
Արտահոսքի ենթարկված տվյալները ներառում են օգտատերերի հեռախոսահամարներ, ավելի քան 40 միլիոն հրապարակումներ:
Դարքնեթում («Թաքնված ցանց») Telegram-ի միլիոնավոր օգտատերերի վերաբերյալ տեղեկությունների բազա է հրապարակվել: Շուրջ 900 մեգաբայթ ծավալով ֆայլը պարունակում է օգտատերերի յուրահատուկ նույնականացումներ և հեռախոսահամարներ:
Դեռևս հայտնի չէ, թե քանի օգտատեր է հայտնվել բազայում, սակայն հաղորդվում է, որ այն պարունակում է ավելի քան 40 միլիոն հրապարակումներ:
Նշվում է, որ Telegram-ում հաստատել են բազայի գոյության փաստը՝ մեկնաբանելով, որ այդ տեղեկատվությունը հավաքվում է դեռևս գրանցման պահին՝ ներմուծման ներդրված գործառույթի միջոցով: Telegram-ն ընդգծել է, որ հեռախոսագրքում նշված կոնտակտի հետ շփվելու դեպքում ոչ մի ծառայություն տվյալ երևույթը չի բացառում:
Այս խնդրի լուծման նպատակով ընկերությունը 2019թ. հաղորդակցության համակարգում ավելացրել է «Ով կարող է ինձ ավելացնել իր կոնտակտներում՝ հեռախոսահամարով» կարգավորումը, որը թույլ է տալիս թաքցնել կապն օգտահաշվի և հեռախոսահամարի միջև:
Telegram-ում նաև հայտնել են, որ արտահոսքում հայտնված կոնտակտների կեսից ավելին արդեն արդիական չեն. տվյալների 84%-ից ավելին հավաքվել են 2019թ. կեսերին: Բազայի օգտատերերի գրեթե 70%-ն իրանցի օգտատերերն են, 30%-ը՝ Ռուսաստանից:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները