«Այդքան անիծում ենք, իսկ նա դեռ ողջ է». ադրբեջանցիները սկսել են Պուտինին ավելի շատ ատել
Սոցցանցերի ադրբեջանական տիրույթը լի է Ռուսաստանի և նրա նախագահի հանդեպ ատելությամբ ու անեծքներով: Նման վերաբերմունքը պայմանավորված է ՌԴ-ի խաղաղարար ու միջնորդական առաքելությամբ:
Հակառուսական տրամադրություններն Ադրբեջանում շարունակում են տարածում ստանալ: Արցախում ռուս խաղաղապահների առկայությունը դժգոհություն է առաջացնում հասարակական և քաղաքական գործիչների, լրագրողների ու հասարակ քաղաքացիների շրջանում: Մասնավորապես՝ սոցցանցերում կարելի է հանդիպել ադրբեջանցի օգտատերերի կողմից Ռուսաստանի ու նրա ղեկավարի հանդեպ ատելության բազմաթիվ դրսևորումների:
Որպես օրինակ կարելի է բերել Baku.es տելեգրամյան ալիքին հրապարակումը, որտեղ նշվում է, որ ՌԴ նախագահ Վլադիմիր Պուտինը պատվաստվելու է կորոնավիրուսի դեմ:
Հրապարակման մեկնաբանություններում կարելի է հանդիպել հետևյալ գրառումների.
Ադրբեջանում համարում են, որ Ռուսաստանն իր միջնորդությամբ իրենց թույլ չտվեց մինչև վերջ գնալ՝ հայերից ամբողջությամբ մաքրելով Արցախը: Ռուս խաղաղապահների ներկայությունն անհնար է դարձնում նոր ագրեսիան Արցախի և այնտեղ ապրողների նկատմամբ: Հենց այդ պատճառով այս օրերին Բաքուն սադրանքներ է հրահրում՝ պատասխանատվությունը գցելով հայերի վրա՝ դրանով նաև խաղալով Ռուսաստանի և նրա խաղաղապահների հեղինակության հետ, հող նախապատրաստում ռազմական գործողությունների վերսկսման համար:
Մեկնաբանությունները