Այլմոլորակայինների որսալու համար կատալոգ է ստեղծվել

Որոշ մարդիկ տարված են այլ մոլորակներում բնակվող օտար քաղաքակրթություններով, թեև պատկերացում չունենք՝ նրանք իրականում կա՞ն արդյոք: Այժմ որոնումների սիրահարների (էնտուզիաստ) և գիտնականների մոտ միասնական անվճար կատալոգ է հայտնվել, որտեղ ներկայացված են 737 հայտնի աստղագիտական մարմիններ:

Կատալոգը ստեղծվել է լավ ֆինանսավորվող Breakthrough Listen ծրագրի շրջանակներում, որն ուղղված է հավանական «տեխնոսիգնատուրների»՝ տեխնոլոգիապես զարգացած այլմոլորակային քաղաքակրթությունների բացահայտմանը:

Exotica Catalog-ը կազմվել է գիտնականների կողմից՝ Բերքլիի Կալիֆորնիական համալսարանի աստղաֆիզիկոս Բրայան Լեքիի ղեկավարությամբ: Ցանկում ներառված են Տիեզերքում հայտնի մարմինները և երևույթները՝ գիսաստղերից մինչև գալակտիկաների միջուկներ ու ռադիոճայթյուններ:

Breakthrough Listen-ում նշել են, որ կատալոգով կիսվելով՝ հույս ունեն, որ այն կօգնի հետազոտությունների անցկացմանը՝ դառնալով ընդհանուր ուղեցույց: Ազդանշանների միասնական բազայի ստեղծումը պետք է կրճատի ոչ երկրային բանականության (SETI) որոնումների գործընթացը. այն համալրվելու է նոր՝ «տեխնոսիգնատուրների» հավանական աղբյուրներով:

Կատալոգը բաղկացած է 4 հիմնական բաժիններից. Prototypes, Superlatives, Anomalies և Controls: Prototypes-ը նվիրված է դիտարկվող աստղագիտական երևույթներին՝ բացառությամբ նրանց, որոնք առավել բարդ են բացատրության համար:

Superlatives-ում նկարագրվում են երբևէ դիտարկված ամենաանհավանական մարմինները՝ տաք մոլորակները, գալակտիկաների ամենաակտիվ միջուկները կամ ամենաարագ պտտվող աստղերը:

Anomalies բաժնում այն մարմիններն են, որոնց մասին հայտնի է, որ գոյություն ունեն, սակայն մնում են առեղծվածային: Օրինակ KIC 8462852 աստղը, որը տարբերվում է խավարման տարօրինակ պատկերով, ինչի հետևանքով ի հայտ են եկել այլմոլորակային գերկառույցների մասին հիպոթեզերը:

Controls-ում տեղեկատվություն է այն մարմինների մասին, որոնք նախկինում համարվել են անոմալիաներ, սակայն պարզվել է, որ դա ընդամենը դիտարկման սարքերի տեխնիկական սարքերի հետևանք է: Այս բաժնի իմաստը կեղծ տեխնոսիգնատուրները լուսավորելն է:

Նույնիսկ նրանց համար, ովքեր այլմոլորակայինների որսորդներ չեն, կատալոգը կարող է օգտակար լինել. այն Տիեզերքի դիտարկման ամբողջական հաշվետվություն է՝ հիմնված մի քանի հազարամյակների տվյալների վրա: