Մայիսի 18-ից տրանսպորտը, մանկապարտեզները, մոլերը կաշխատեն, իսկ ամսի 25-ից դիմակ կրելը կդառնա պարտադիր
Արտակարգ դրության պարետ Տիգրան Ավինյանն Ազգային ժողովում հայտարարել է, որ սահմանափակումների թուլացումը կուղեկցվի համակեցության հստակ կանոնների պահմանմամբ, որոնց խախտման դեպքում քաղաքացիներն ու տնտեսվարողները կտուգանվեն:
Կառավարությունն ընդունել է որոշում՝ Հայաստանում արտակարգ դրությունը երկարաձգելու մասին: Այդ կապակցությամբ հրավիրվել է Ազգային ժողովի արտահերթ նիստ, որտեղ Տիգրան Ավինյանը ներկայացնում է ԱԴ իրավական ռեժիմի երկարաձգման վերաբերյալ տեղեկատվությունն ու պատասխանում է պատգամավորների հարցերին:
Փոխվարչապետ, ԱԴ պարետ Տիգրան Ավինյանը նշել է, որ մայիսի 18-ից նախատեսվում է Հանրապետությունում տրանսպորտն ամբողջությամբ վերագործարկվելու է: Բացվելու են նաև արևտրի իրականացման վայրերը (նաև՝ մոլերը), հանրային սննդի օբյեկտները՝ նաև փակ տարածքներում:
Պարետը տեղեկացրել է, որ մայիսի 18-ին գործելու են նաև նախակրթարանները, այդ թվում՝ մասնավոր և պետական մանկապարտեզները, մարզասրահները, բացօթյա պատմամշակութային վայրերը:
Միևնույն ժամանակ Տիգրան Ավինյանը հայտնել է, որ մայիսի 25-ից փակ և բաց վայրերում դիմակ կրելը պարտադիր է դառնալու: Պատգամավորների հարցերին ի պատասխան՝ պարետը նշել է, որ ռեստորաններում կամ հանրային սննդի այլ վայրերում միայն սնունդ ընդունելիս կթույլատրվի դիմակը հանել:
Ընդգծենք, որ սահմանափակումների վերացումը տեղի է ունենում այն պարագայում, երբ ընդամենը երեկ է գրանցվել վարակվածության ամենամեծ թիվը, իսկ կորոնավիրուսը Հայաստանում նահանջելու միտում չի դրսևորում: Ավինյանը հավելել է, որ սահմանափակումների թուլացումները կուղեկցվեն համակեցության հստակ կանոնների պահմանմամբ, որոնց խախտման դեպքում կկիրառվի վարչական պատասխանատվություն:
Նշենք նաև, որ ռեստորաններում կամ այլ վայրերում ամեն դեպքում արգելվում են հանրային միջոցառումները. կթույլատրվեն մինչև 5 հոգու մասնակցությամբ հավաքները:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները