ԲՈԿ նախագահն ազատման դիմում է գրել՝ դժգոհելով նախարարությունից
Սմբատ Գոգյանն անդրադարձել է ԿԳՄՍՆ-ում հակասություններին, Տնտեսագիտական համալսարանի ռեկտորի «արտագրած դոկտորականին» ու նրա նկատմամբ հովանավորչությանը, աշխատանքի արդյունավետության նվազմանը՝ նշելով. «Գրագողերը սպասում են կառույցի փակվելուն»:
Բարձրագույն որակավորման կոմիտեի (ԲՈԿ) նախագահ Սմբատ Գոգյանը պաշտոնից ազատման դիմում է գրել՝ նշելով այն երեք հիմնական պատճառները, որոնք ընկած են կայացված որոշման հիմքում:
1. Հակասություններ՝ նախարարությունում
Գոգյանը նշել է, որ կրթության և գիտության բարեփոխման իր պատկերացումները չեն համընկել նախարարության ռազմավարության հետ և ժամանակի ընթացքում հակասությունները խորացել են։ Նրա խոսքով՝ համակարգում բարեփոխում անելու համար անհրաժեշտ են եղել օրենքի կողմից լիազորող նորմեր, որոնք նա այդպես էլ չի ստացել։
Բացի այդ՝ ԿԳՄՍ նախարարը հայտարարել է, որ նոր օրենքով ԲՈԿ-ը փակելու է, ինչից հետո, ըստ Գոգյանի, աշխատելը դարձել է անիմաստ։ Այս հատվածի վերջում Սմբատ Գոգյանը գրել է. «Գրագողերը սպասում են կառույցի փակվելուն»:
2. Արժեքային ընտրություն. հովանավորչություն
Սմբատ Գոգյանը հիշեցրել է, որ 2019թ. օգոստոսի հարցազրույցներից մեկում նշել է, որ եթե Ռ․ Հայրապետյանը (Տնտեսագիտական համալսարանի նախկին ռեկտոր, խմբ.) հրաժարականի դիմում չգրեր, ապա ինքը կհեռանար։ Գոգյանն ընդգծել է, որ խոսքը կոնկրետ Ռուբենի մասին չէր, այլ՝ երևույթի. նրանից հետո նշանակված ռեկտորի ժամանակավոր պաշտոնակատարի դոկտորական աշխատանքում առկա են ակնհայտ թարգմանություններ և արտագրություններ, բայց, ԲՈԿ նախկին նախագահի խոսքով, համապատասխան կապերի և հովանավորչության միջոցով նա առ այսօր զբաղեցնում է իր պաշտոնը։
3. Աշխատանքի արդյունավետության անկումը
Գոգյանն իր ֆեյսբուքյան գրառմամբ պատմել է, որ նշանակումից երեք ամիս անց կնոջ հետ պայմանավորվել են, որ եթե ասի, թե մեծամտացել կամ հղփացել է, ապա նույն օրն աշխատանքից ազատման դիմում կգրի։ Մաթեմատիկոսի խոսքով՝ կինն այդպիսի բան դեռ չի ասել, բայց կարծում է՝ ամուսինը սկսել է ավելի քիչ ուրախանալ։
Սմբատ Գոգյանը նշել է, որ այդ աշխատանքն իրեն սկսել է հաճույք չպատճառել, քանի որ հստակ գիտակցում է, որ աշխատանքի արդյունավետությունը կտրուկ ընկել է։ ԲՈԿ նախկին նախագահը վերջում շնորհակալություն է հայտնել ՀՀ Վարչապետին՝ պատասխանատու ժամանակաշրջանում իրեն այդպիսի պատասխանատու պաշտոն վստահելու համար։
Հավելենք, որ բազմաթիվ օգտատերեր ափսոսանք են հայտնել նրա հրաժարականի կապակցությամբ՝ բարձր գնահատելով ինչպես նրա կատարած հսկայական աշխատանքը ԲՈԿ-ում, այնպես էլ որպես հայկական գիտական հանրության վառ ներկայացուցիչ:
Telegram 
Facebook 
Google News Գերմանիայի դաշնային հետախուզական ծառայության (BND) նախկին ղեկավար Ավգուստ Հանինգը, Der Spiegel-ի տվյալներով, գաղտնի փաստաթղթերի հիման վրա զեկույց է կազմել Ադրբեջանի հետախուզության ներկայացուցչի համար։ Քննությունը դեռ պարզում է՝ արդյոք այն հասել է հասցեատիրոջը։
Շաքիում կալանավորված Ադրբեջանի զինծառայող Նասիմի Մուսաևի նկատմամբ սկսված քննությունը կշարունակվի Հայաստանում։ Վարչապետ Նիկոլ Փաշինյանը հայտարարել է, որ այս միջադեպը չի կապվում Ադրբեջանում պահվող հայ գերիների հնարավոր փոխանակման հետ։
Վարչապետ Նիկոլ Փաշինյանի խոսքով՝ Amazon-ի հնարավոր ներդրումների համար անհրաժեշտ է շուրջօրյա կայուն էլեկտրամատակարարում։ Ընկերության պահանջը նա կապել է 1000 ՄՎտ հզորությամբ կայանի առկայության հետ։
Մի ինքնաթիռի հետևում երկար սպիտակ գիծ է ձգվում, իսկ մյուսի հետևում երկինքը մնում է պարզ։ Այս տարբերությունը պայմանավորված է օդի վիճակով և շարժիչների աշխատանքով, ոչ թե ինքնին ապացուցում է «թունավոր նյութերի ցրում»։
ՌԴ անվտանգության խորհրդի նախագահի տեղակալ Դմիտրի Մեդվեդևը քննադատել է Հայաստանի ղեկավարության արտաքին քաղաքականությունը։ Իրանի պետական հեռուստառադիոընկերությանը տված հարցազրույցում նա Հայաստանի համար ամենավտանգավոր սցենարն անվանել է «նոր Ուկրաինայի» վերածվելը։
Վարչապետ Նիկոլ Փաշինյանի որոշմամբ Դավիթ Սանամյանն ազատվել է Ազգային անվտանգության ծառայության տնօրենի տեղակալի պաշտոնից։ Հոկտեմբերի 5-ի որոշման մեջ պաշտոնանկության պատճառը չի նշվում։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
2026 թվականի սեպտեմբերի 28-ին Starship-ն առաջին անգամ ուղեծրային թռիչք կատարեց՝ դառնալով մեկ արձակմամբ Երկրի ուղեծիր դուրս բերված ամենամեծ և ամենազանգվածեղ օբյեկտը։ Մոտ հիսուն մետր բարձրությամբ ու ինը մետր տրամագծով տիեզերանավի թռիչքն ուղեկցվեց տեխնիկական խնդիրներով, սակայն այն կարողացավ վերահսկելիորեն վերադառնալ Երկիր։ Արդյո՞ք սա նշանակում է, որ SpaceX-ը կհասցնի պատրաստվել NASA-ի՝ 2028 թվականի սեպտեմբերին նախատեսված լուսնային վայրէջքին։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները