Տանից դուրս գալ միայն անձնագրով և լրացված ձևաթղթով. Փաշինյան — Շեշտ.am (shesht.am)
4 րոպե
Խմբագրություն

Տանից դուրս գալ միայն անձնագրով և լրացված ձևաթղթով. Փաշինյան

Թույլատրվում է տանից դուրս գալ միայն տան մոտակայքում մարզվելու, խանութ գնալու և չարգելված աշխատավայր գնալու համար՝ փաստաթղթերի առկայության դեպքում:

Վարչապետն ուղերձով դիմել է ժողովրդին / © 1lurer

Վարչապետ Նիկոլ Փաշինյանն ուղերձով դիմել է Հայաստանի բնակչությանը՝ հայտարարելով նոր սահմանափակումների մասին: Մասնավորապես՝ մարտի 24-ի ժամը 24:00-ից քաղաքացիները տանից պետք է դուրս չգան:

Խիստ անհրաժեշտության դեպքում տանից դուրս գալիս պարտադիր պետք է ունենալ անձնագիր և լրացված ձևաթուղթ, որտեղ նշված կլինի տանից դուրս գալու ժամկետը, պատճառը, մեկնելու վայրը: Վերահսկողությունն իրականացնելու է ՀՀ ոստիկանությունը. հաղորդվում է, որ ոստիկանը կարող է մոտենալ, հարցնել դրսում գտնվելու պատճառը, պահանջել փաստաթղթերը՝ անձնագիրը և լրացված ձևաթուղթը:

Ուղերձով դիմում եմ մեր ժողովրդին։

Սիրելի ժողովուրդ, Հայաստանի Հանրապետության հպարտ քաղաքացիներ. Հայաստանը, հայ ժողովուրդը, ինչպես ամբողջ մարդկությունը, դժվար օրեր են ապրում: Նոր կորոնավիրուսի համաճարակը ոչ միայն շարունակում է տարածվել աշխարհում, այլեւ՝ Առողջապահության համաշխարհային կազմակերպության համաձայն նոր թափ է հավաքում: Ուղերձով դիմում եմ մեր ժողովրդին։

Опубликовано Nikol Pashinyan / Նիկոլ Փաշինյան Вторник, 24 марта 2020 г.
Ուղերձ / © Նիկոլ Փաշինյան

Տանից դուրս գալը նշված փաստաթղթերի առկայության պարագայում թույլատրվում է միայն խանութ, դեղատուն, բանկ, թաղման արարողության մասնակցելու, չարգելված աշխատանքի վայր գնալու և տան մոտակայքում մարզվելու համար: Մյուս դեպքերում ոստիկանությունը կարող է սահմանափակող միջոցներ գործադրել՝ ընդհուպ մինչև վարչական պատասխանատվություն:

Վարչապետը հայտնել է, որ կորոնավիրուսով վարակվածների թիվը Հայաստանում հասել է 249-ի: Նրանցից 30-ի մոտ առկա է թոքաբորբ, 5-ը ռեանիմացիայում են, 4-ի վիճակը ծանր է, մեկինը՝ ծայրահեղ ծանր: Վերջինս 77 տարեկան է: Մեկուսացված է 868 մարդ, ևս 2419-ը տնային ինքնամեկուսացման են ենթարկված: Փաշինյանը հույս է հայտնել, որ նրանք կպահպանեն ինքնամեկուսացման պայմանը:

Նիկոլ Փաշինյանը կորոնավիրուսի հետագա տարածումը դանդաղեցնելու և տարածման շղթաները գտնելու նպատակով կիրառվող սահմանափակումների համար ներողություն է խնդրել քաղաքացիներից: Պարետի որոշմամբ՝ մեկ շաբաթով՝ մինչև 2020թ․ մարտի 31-ը՝ ժամը 23:59-ը՝ ՀՀ ամբողջ տարածքում սահմանափակվում է մարդկանց ազատ տեղաշարժվելու իրավունքը և սահմանվում է անձանց պարտադիր ինքնամեկուսացում իրենց մշտական բնակության կամ իրենց նախընտրությամբ մեկ այլ վայրում՝ այլ անձանց հետ անմիջական շփումը սահմանափակելու և վարակի հնարավոր տարածումը կանխելու նպատակով։

Ամենաընթերցվածը

4 րոպե
Խմբագրություն

Սամվել Բաբայանը հայտարարել է, որ Ռուսաստանը Հայաստանին տրամադրել է գնված 24 միավոր ՏՈՌ-երից միայն 6-ը, իսկ 6 միավոր ԲՈՒԿ-երից 5-ը չեն աշխատել: Նրա խոսքով` ռուս մասնագետները դրանք վերանորոգելու համար Հայաստան կարող էին գալ միայն նոյեմբերի 3-ին, աշխատանքներն ավարտել` նոյեմբերի 10-ին:

4 րոպե
Խմբագրություն

«Ռեալիստի» գլխավոր խմբագրի համոզմամբ` «Զանգեզուրի միջանցքն» աշխարհաքաղաքական «տուրք» է, որը Կրեմլը վճարում է Ռուսաստանի վրա չհարձակվելու երաշխիքի դիմաց: Նրա խոսքով` Արարատի մարզում ռուսական ուղղաթիռի խոցումն Անկարայի կողմից Մոսկվային ուղղված ուղիղ սպառնալիք է հենց այդ համատեքստում:

1 րոպե
Խմբագրություն

Էրդողանը շեշտել է, որ նախ Իլհամ Ալիևն այդ թեմայով պետք է խորհրդատվություններ անցկացնի Ռուսաստանի նախագահ Վլադիմիր Պուտնինի հետ, ինչից հետո իրականացվի ռազմաբազաների տեղակայումն Ադրբեջանում:

4 րոպե
Խմբագրություն

Սամվել Բաբայանը հայտարարել է, որ Ռուսաստանը Հայաստանին տրամադրել է գնված 24 միավոր ՏՈՌ-երից միայն 6-ը, իսկ 6 միավոր ԲՈՒԿ-երից 5-ը չեն աշխատել: Նրա խոսքով` ռուս մասնագետները դրանք վերանորոգելու համար Հայաստան կարող էին գալ միայն նոյեմբերի 3-ին, աշխատանքներն ավարտել` նոյեմբերի 10-ին:

3 րոպե
Խմբագրություն

Կուսակցություններից մեկի Գավառի տարածքային գրասենյակի ղեկավար Ա. Ա.-ն ընտրողներին կաշառք տալու համար նույն գրասենյակի քարտուղար Ս. Զ.-ի՝ Գավառ քաղաքում գտնվող բնակարան է տեղափոխել շուրջ 80 փաթեթ սննդամթերք՝ հանձնարարելով նրան ըստ ցուցակի բաժանել ընտրողներին:

1 րոպե
Խմբագրություն

Հաղորդվում է, որ ապօրինի գույքի բռնագանձման մասին օրենքն առաջին անգամ գործի է դրվել: Վլադիմիր Գասպարյանին և նրա հետ կապված անձանց պատկանող 4 առանձնատուն է բռնագանձվել, 2 բնակարան, 3 հողակտոր, 4 մեքենա, 1 ավտոտնակ: Սերոբ Հարությունյանը և նրա «զինակիցները» զրկվել են 2 բնակարանից, Հյուսիսային պողոտայի 2 կայանատեղիներից, 1 մեքենայից և 1 անշարժ գույքից:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.