General Motors-e hraparakel e Hummer-i elektrakan tarberaki tizere

«Էլեկտրահամերի» հզորությունը կազմելու է 1000 ձիաուժ. համեմատության համար նշենք, որ Hummer H1-ի շարժիչի հզորությունը հասավ առավելագույնը 300-ի: Արտադրությունը նախատեսվում է սկսել 2021թ. վերջին:

Norutyunner

# General Motors

# GMC

Hummer EV-ի ներկայացումը նախատեսված է մայիսի 20-ին / © General Motors / Հեղինակ՝ անհայտ, լուսանկարը տրամադրել է օգտատերը

Երեք շաբաթ առաջ տեղեկություն էր հրապարակվել, որ General Motors-ը պատրաստվում է վերաթողարկել լեգենդար Hummer ամենագնացը, ընդ որում՝ ամբողջությամբ էլեկտրական դարձնելով: Ընկերությունն արդեն հաստատել է այդ տեղեկությունը՝ հրապարակելով նոր մեքենայի թիզերային հոլովակը և տեխնիկական որոշ մանրամասներ:

Hummer EV ավտոմեքենան թողարկվելու է GMC ապրանքանիշի ներքո, իսկ արտադրությունը կիրականացվի Դեթրոյթի հատուկ գործարանում: Վերջինիս վերահագեցման նպատակով ընկերությունները պատրաստվում են ծախսել ավելի քան 2 մլրդ դոլար, ինչը խոսում է նախագծերի լրջության մասին:

«Էլեկտրահամերի» հզորությունը կազմելու է 1000 ձիաուժ. համեմատության համար նշենք, որ Hummer H1-ի շարժիչի հզորությունը հասավ առավելագույնը 300-ի: 0-ից 100 կմ/ժ արագություն մեքենան զարգացնելու է 3 վայրկյանում: Նոր մոդելի մոտավոր գինը չի հաղորդվում: GMC Hummer EV-ի պաշտոնական ներկայացումը տեղի է ունենալու մայիսի 20-ին: Բազմասերիական արտադրության մեկնարկը նախատեսվում է 2021թ. վերջին:

https://youtu.be/gCcs2UxkYvM

GMC Hummer EV, թիզերային հոլովակ / © Youtube — GMC

Hummer-ի «օրիգինալ» ամենագնացները ստեղծվել են 1992թ.՝ ռազմական HMMWV մեքենայի հիման վրա, և արտադրվել են 2010-ականներին: Մեքենայի ռազմական տարբերակն արտադրվում է 1983թ.-ից մինչ օրս:

Ավելի վաղ Porsche-ը ստեղծել էր թռչող էլեկտրատաքսի, իսկ Իլոն Մասկը ներկայացրել էր Tesla-յի «խոսող» մեքենաները:

Վրիպա՞կ գտաք։ Նշեք հատվածը և սեղմեք Ctrl + Enter։