Թուրքական ինքնաթիռների մասին տեղեկությունը կեղծ է. անհանգստանալու կարիք չկա — Շեշտ.am (shesht.am)
5 րոպե
Խմբագրություն

Թուրքական ինքնաթիռների մասին տեղեկությունը կեղծ է. անհանգստանալու կարիք չկա

ՀՀ պաշտպանության նախարարությունը հերքել է թուրքական կործանիչների մասին տեղեկությունը: Թուրքագետ Հայկ Գաբրիելյանն ընդգծել է, որ նույնիսկ ճիշտ լինելու դեպքում անհանգստանալու որևէ պատճառ չկա:

ՀՀ զինված ուժերը լիովին վերահսկում են իրավիճակը պետական սահմանին. ՊՆ / © Շուշան Ստեփանյան

Ավիատոմսեր վաճառող կայքերից մեկը, որը պարբերաբար նաև օդային ոլորտի վերաբերյալ լուրեր է տեղադրում, տեղեկություն է տարածել, թե թուրքական առնվազն երկու F-16 կործանիչները մոտեցել են Երևանին՝ ընդհուպ մինչև հարվածային տարածության՝ 56 կմ: Հաղորդվել է, որ Նախիջևանի տարածքում թռիչքներ իրականացնող ինքնաթիռներից բացի սահմանին են մոտեցել նաև ուղղաթիռներ՝ ադրբեջանական և թուրքական զինված ուժերի:

Թեև աղբյուրը տեքստում ընդգծել է, որ սահմանը չի հատվել, սակայն հրապարակման վերնագիրը խուճապ է առաջացրել հայկական մամուլում, անհանգստացնող լուրը տարածվել է նաև ռուսական այլ լրատվականներում: Աղբյուրը «դեպի Երևան թռիչքների» պատճառ է նշում Հայաստանին հարձակման դրդելը, որը Թուրքիայի համար Հայաստանի դեմ գործողությունների հիմնավորում կապահովի:

Թուրքագետ Հայկ Գաբրիելյանը նշել է, որ եթե նույնիսկ թուրքական ինքնաթիռը թռիչքներ է իրականացրել Նախիջևանի օդային տարածքում, ապա դա անհանգստության առիթ չպետք է տա, քանի որ Հայաստանի օդային սահմանը չի հատվել: Նրա խոսքով՝ Հայաստանին ահաբեկելու փորձը նույնպես չպետք է խուճապի առիթ հանդիսանա:

Ավիատոմս վաճառող կայքի արկածախնդրությունըՈ՛չ ահաբեկմանըՄենք Սիրիայի քրդերը չենքՔնած էի, 1 տարեկանից էլ փոքր երեխաս…

Gepostet von Hayk Gabrielyan am Sonntag, 2. August 2020

Գաբրիելյանն ընդգծել է, որ հայկական օդային սահմանը հատելու դեպքում թուրքական կործանիչը կարող է ոչնչացվել, ինչից հետո, նրա խոսքով, Թուրքիան «վատ վիճակում կհայտնվի»:

Պաշտպանության նախարարության մամուլի քարտուղար Շուշան Ստեփանյանը նշել է, որ տարածված տեղեկությունը չի համապատասխանում իրականությանը:

Օգոստոսի 2-ի լույս 3-ի գիշերը և այսօր առավոտյան հայ-ադրբեջանական պետական սահմանին պահպանվել է հարաբերական…

Gepostet von Shushan Stepanyan am Sonntag, 2. August 2020

Հավելենք, որ Նախիջևանի սահմանից Երևան ընդամենը 50 կմ է հեռավորությունը, իսկ Թուրքիայի սահմանից՝ ընդամենը 20 կմ: Ուստի «ՀՀ սահմաններին հարվածային տարածությամբ» մոտենալը որևէ արտառոց երևույթ չէ մեր իրականությունում: Բացի այդ՝ թուրքական զինուժում (ինչպես և՝ հայկականում) առկա են հեռահար խոցման հրթիռներ, ուստի հարվածելու համար պարտադիր չէ մոտենալ սահմաններին կամ հատել դրանք:

Ռուսական կոյուղա-ֆեյքածին կայքերը "լրատվություն" են տարածում, իբր թուրքական F-16-երը "Երեւանի կողքերն են թռչում ու…

Gepostet von Ruben H Mehrabyan am Sonntag, 2. August 2020

Ավելի վաղ թեմային անդրադարձել էր նաև քաղաքագետ Ռուբեն Մեհրաբյանը՝ կեղծ տեղեկությունը հայկական մամուլում տարածելու վերաբերյալ նշելով. «Ուղեղն անջատելն ու միայն քոփի-փեյստ միացնելը վտանգավոր է հանրային առողջությանը։ ՄԻ՛ ԱՐԵՔ։ ՄԻ՛ եղեք մեդիա-Գիքոր։ Ամոթ է»:

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.