«Շիրակ» օդանավակայանը Գյումրիի զարգացման կարևոր գրավականը կդառնա — Շեշտ.am (shesht.am)
2 րոպե
Խմբագրություն

«Շիրակ» օդանավակայանը Գյումրիի զարգացման կարևոր գրավականը կդառնա

«Շիրակ» օդանավակայանի վերակառուցումից հետո փաստացի թողունակությունը կազմում է 700 հազար ուղևոր մեկ տարում՝ նախկին 200 հազարի փոխարեն: Ժամանման նոր սրահ է բացվել, վերանորոգվել է նաև թռիչքավայրէջքային ուղին:

«Շիրակ» օդանավակայան / © Սուրեն Պապիկյան

Գյումրիի «Շիրակ» օդանավակայանում ժամանման նոր սրահ է բացվել: «Հայաստան — միջազգային օդանավակայաններ» ընկերության տեղեկացմամբ՝ վերանորոգվել է նաև թռիչքավայրէջքային ուղին. 3,5 և 6 սմ հաստությամբ նոր ասֆալտ-բետոնե ծածկույթով է պատվել:

Բացման արարողությանը մասնակցող փոխվարչապետ Սուրեն Պապիկյանի համոզմամբ՝ Գյումրիի օդանավակայանը քաղաքի զարգացման գործում կարևոր դերակատարում է ունենալու:

«Հայաստան միջազգային օդանավակայաններ» ընկերության գլխավոր մենեջեր Սերգեյ Ավետիսյանի խոսքով՝ սեպտեմբերի 16-ից վերսկսվում են «Պոբեդա» լոուքոստերի չվերթները դեպի Գյումրի:

Ինչպես հաղորդվում է, «Շիրակ» օդանավակայանի վերակառուցումից հետո փաստացի թողունակությունը կազմում է 700 հազար ուղևոր մեկ տարում՝ նախկին 200 հազարի փոխարեն:

Փոխվարչապետ Պապիկյանի խոսքով՝ օդանավակայանն արդեն ունի բոլոր հնարավորությունները՝ սպասարկելու նաև եվրոպական բյուջետային չվերթները:

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.