Հայ լրագրողները նոյեմբերի 17-ին կմեկնեն Բաքու ,— ԶԼՄ-ներ
Հաղորդվում է, որ հայ լրագրողներն այցելելու են ադրբեջանական պետական կառույցներ, հանդիպելու են տեղի փորձագետների հետ: Նախատեսվում է, որ հաջորդիվ տեղի է ունենալու ադրբեջանցի լրագրողների փոխադարձ այցը Երևան:
Ադրբեջանական մամուլում տեղեկություններ են տարածվել, ըստ որոնց՝ ռուսական կողմի նախաձեռնությամբ հայ լրագրողների 5-6 հոգանոց խումբ է մեկնելու Բաքու: Հայաստանի արտաքին գերատեսչությունը դեռ պաշտոնական մեկնաբանություն չի հրապարակել տեղեկության վերաբերյալ: Հաղորդվում է, որ Ադրբեջանի ԱԳՆ-ը նույնպես չի հերքել և չի հաստատել տեղեկությունը, բայց հաստատել է Ադրբեջանի լրագրողների «Նոր սերունդ» միավորման ղեկավար Արիֆ Ալիևը:
Հաղորդվում է, որ հայ լրագրողներն այցելելու են ադրբեջանական պետական կառույցներ, հանդիպելու են տեղի փորձագետների հետ: Նախատեսվում է, որ հաջորդիվ տեղի է ունենալու ադրբեջանցի լրագրողների փոխադարձ այցը Երևան: Այս միջոցառումները նախատեսված են Հայաստանի վարչապետի և Ադրբեջանի նախագահի՝ փոխադարձ վստահության ամրապնդման, մարդասիրական միջոցառումների իրականացման վերաբերյալ ձեռք բերված պայմանավորվածությունների շրջանակներոմւ:
Նմանատիպ միջոցառումների կազմակերպման մասին խոսվել է երկու երկրների ղեկավարների, արտգործնախարարների հանդիպումների ժամանակ: Վերջինը, որ այդ հարցին անդրադարձել է, ՌԴ ԱԳ նախարար Սերգեյ Լավրովն էր. նա 2019թ. հոկտեմբերի 31-ին ԵԱՀԿ գլխավոր քարտուղար Թոմաս Գրեմինգերի հետ Մոսկվայում կայացած բանակցություններից հետո հայտարարել է, որ Արցախյան հակամարտության կողմերը ԵԱՀԿ ՄԽ միջնորդությամբ քննարկել են լրագրողների փոխադարձ այցելությունների հարցը: Նրա խոսքով՝ սա նպատակ ունի մի փոքր թուլացնել լարվածությունն ու նպաստել վստահության մթնոլորտի ձևավորմանը:
Մեկնաբանությունները