Իսրայելական զենքով կռվում էին, հիմա էլ` զորավարժություններ են անում

Ադրբեջանում պատերազմից հետո առաջին անգամ խոշոր զորավարժություններ են, որին մասնակցում են մինչև 10 հազար զինծառայողներ: Դրանք մեկնարկել են մարտի 15-ին:

Վարժանքներն իրականացվում են լեռնաանտառային բարդ տեղանքում: Հիմնականում ուշադրություն է դարձվում զորքերի կառավարմանը, նրանց մարտական պատրաստության բերմանը և վերախմբավորմանը: Այդ երկրի ՊՆ հաղորդմամբ` կատարելագործվում է համազորային միավորումների, հրթիռային և հրետանային զորքերի, ավիացիայի և հատուկ նշանակության ուժերի փոխգործակցությունը: Խուսավարումներում հաշվի են առնվում Արցախի դեմ ձեռնարկած պատերազմի փորձը:

Հայտնի է, որ զորավարժությունների ընթացքում ադրբեջանական կողմը կիրառում է նաև իսրայելական արտադրության զինտեխնիկա:

Վարժանքներին ներգրավված իսրայելական սպառազինությունից են, մասնավորապես, Aeronautics ընկերության արտադրության Orbiter-ի տարբեր մոդելներ, Hermes-450, Hermes-900 անօդաչուները, որոնք նախատեսված են երկնքում երկար ժամանակ գտնվելու համար: Բացի այդ, կիրառվում են նաև, ինչպես նշվում է, «պատերազմում իրենց արդարացրած» հարվածային Harop տեսակի ԱԹՍ-ները:

Ուշագրավ է, որ հրեական աղբյուրները չեն թաքցնում, որ Արցախի դեմ Ադրբեջանի կողմից սանձազերծած պատերազմում Իսրայելը տեխնոլոգիական և ռազմատեխնիկական իրական աջակցություն է ցուցաբերել Բաքվին: Ինչպես հաղորդվում է` այդ աջակցությունը հաստատեց, որ «Ադրբեջանի և Իսրայելի հարաբերությունները ռազմավարական» բնույթ են կրում:

Էջանիշ

Պատճենել հղումը

Email

Տպել

Twitter

VK

Telegram