Անկարան Հայաստանի դեմ «ջրային պատերազմ» է վարում
Մարտի 30-ի դրությամբ Հայաստանի ամենամեծ ջրամբարը՝ Ախուրյանը, 116 մլն խմ-ով ավելի պակաս է, քան նախորդ տարվա նույն ժամանակահատվածում։ Մինչդեռ Թուրքիան ջրամբարներ է կառուցում, ջուրը Հայաստանից հոսում է դեպի Ադրբեջան, իսկ Ջողազի ջրամբարից օգտվում են միայն ադրբեջանցիները։
Հանրապետություն օրաթերթում հրապարակված հոդվածում, ինչպես հաղորդվում է, նշվում է, որ քաղաքական վերլուծական շրջանակների համոզմամբ՝ հաջորդ պատերազմներն ընթանալու են խմելու ջրի համար։ Այդ խնդիրն առավել սուր է Մերձավոր Արեւելքի երկրների համար, որոնց մեծ մասն ունի խմելու ջրի սակավ պաշարներ։
Հայտնի է, որ այս առումով Թուրքիան ամենաագրեսիվ քաղաքականությունն է վարում։ Փակելով Տիգրիս ու Եփրատ գետերի հոսքը՝ դրանով մեծապես վնասում է ավելի հարավ ընկած երկրներին։ Համարվում է, որ Հայաստանի նկատմամբ նույնպես բացառված չէ այսպիսի քսղաքականությունը։
Մարտի 30-ի դրությամբ, ինչպես նշվում է, Հայաստանի ամենամեծ ջրամբարը՝ Ախուրյանը, 116 մլն խմ-ով ավելի պակաս է, քան նախորդ տարվա նույն ժամանակահատվածում։ Մինչդեռ Թուրքիան ջրամբարներ է կառուցում, ջուրը Հայաստանից հոսում է դեպի Ադրբեջան, իսկ Ջողազի ջրամբարից օգտվում են միայն ադրբեջանցիները։
Աշնանը Արցախի դեմ թուրք-ադրբեջանական ահաբեկչական ուժերի կողմից ձեռնարկած պատերազմից հետո Հայաստանի ջրային համակարգի կարեւոր աղբյուրներ հայտնվել են ադրբեջանական վերահսկողության ներքո։
Ըստ որոշ տվյալների՝ Հայաստանի տարածքից տարեկան շուրջ 6 մլրդ խմ խմելու ջուր է հոսում։ Նշվում է, որ գյուղատնտեսությունը կարեւոր ուղղություն հռչակած իշխանությունները պետք է զարկ տան ջրամբարաշինությանը։ Շեշտվում է, որ դա թանկարժեք աշխատանք է, բայց արդյունքներն էլ ավելի շահավետ են։
Մեկնաբանությունները