Ուկրաինան թևավոր հրթիռների շարժիչներ կտրամադրի Թուրքիային
«Պրոգրեսի» կողմից մշակվող Աի-35 շարժիչը, հայտնի տեղեկությունների համաձայն, կիրառվելու է Gezgin նախագծի շրջանակներում ստեղծվող թուրքական հեռանկարային հրթիռի արտադրությունում: Հաղորդվում է, որ 2021թ. Ուկրաինան 12 այդպիսի շարժիչ է տրամադրելու Թուրքիային:
Ուկրաինան թևավոր հրթիռների տուրբոռեակտիվ շարժիչներ կմատակարարի Թուրքիա: Զապորոժյեի ակադեմիկոս Իվչենկոյի անվան «Պրոգրես» մեքենաշինական կոնստրուկտորային բյուրոն մի շարք պայմանագրեր է կնքել Աի-35 և ՄՍ-400 տուրբոռեակտիվ շարժիչների լրակազմերի մատակարարման վերաբերյալ:
«Պրոգրեսի» կողմից մշակվող Աի-35 շարժիչը, հայտնի տեղեկությունների համաձայն, կիրառվելու է Gezgin նախագծի շրջանակներում ստեղծվող թուրքական հեռանկարային հրթիռի արտադրությունում: Հաղորդվում է, որ 2021թ. Ուկրաինան 12 այդպիսի շարժիչ է տրամադրելու Թուրքիային:
Ստեղծվող թուրքական թևավոր հրթիռի մասին հայտնի է, որ այն իր բնութագրերով համեմատելի է լինելու ամերիկյան Tomahawk-ի հետ և ստանալու է մոդուլային կոնստրուկցիա: Առավելագույն հեռահարությունը հազար կիլոմետր է նշվել:
Աի-35 (Аи-35) տուրբոռեակտիվ շարժիչն ընդհանրապես նախատեսված է անօդաչուների և հարվածային գերճշգրիտ միջոցների համար: Շարժիչի քաշը 61 կգ է, զարգացնում է 310 կգվ առավելագույն ձգողություն:
«Պրոգրեսի» կողմից պատվիրված մի շարք բաղադրիչներ կարող են օգտագործվել ՄՍ-400 (МС-400) տուրբոռեակտիվ շարժիչների արտադրությունում, որոնք կիրառվում են ուկրաինական «Նեպտուն» թևավոր հրթիռներում, ինչը խոսում է այդ հրթիռի հնարավոր արտադրության մեկնարկի մասին:
Մեկնաբանությունները