Martunium 4 bnakeli shenq kkarutsvi՝ 132 bnakaranov, Askeranum՝ 9 bnakeli shenq՝ 246 bnakaranov

Շինարարական ընկերությունների, շինանյութի, եվրոպատուհանների ու դռների արտադրությամբ զբաղվող կազմակերպությունների հետ համապատասխան իրավական աշխատանքներ են տարվել, և պատրաստ են շինարարական աշխատանքները մեկնարկելու:

Norutyunner

# Askeran

# Artsax

# Bnakaranashinutyun

# Himnadramner

# Martuni

Ավերված տուն՝ Ասկերանում / © ԱԱԻՊԾ / Հեղինակ՝ անհայտ, լուսանկարը տրամադրել է օգտատերը

«Հայաստան» համահայկական հիմնադրամի փոխտնօրեն Արարատ Խլղաթյանն Արցախի պետական նախարար Գրիգորի Մարտիրոսյանի և քաղաքաշինության նախարար Արամ Սարգսյանի հետ հանդիպման ժամանակ ներկայացրել է Հիմնադրամի կողմից Ստեփանակերտում, Ասկերանում, Մարտունիում և քաղաքային ու գյուղական մի շարք բնակավայրերում նախատեսվող բնակարանային շինարարության ծրագրերը:

Մասնավորապես՝ նշվել է, որ Ասկերանում կառուցվելու է 9 բնակելի շենք՝ 246 բնակարանով, Մարտունիում՝ 4 բնակելի շենք՝ 132 բնակարանով: Արարատ Խլղաթյանի խոսքով՝ առաջիկա օրերին ներկայացվելու է Ստեփանակերտում և մյուս բնակավայրերում նախատեսվող բնակարանաշինության ծավալը:

Գրիգորի Մարտիրոսյանը կարևորել է քաղաքաշինության նախարարության հետ իրականացվող վնասների գնահատման, վերականգնողական աշխատանքներում ակտիվ մասնակցությունը, ապրանքանյութական մասով աջակցությունը, ինչպես նաև նոր ծրագրերի ներդրման պատրաստակամությունը:

Արցախի քաղաքաշինության նախարարը հավաստիացրել է, որ շինարարական ընկերությունների, շինանյութի, եվրոպատուհանների ու դռների արտադրությամբ զբաղվող կազմակերպությունների հետ համապատասխան իրավական աշխատանքներ են տարվել, և պատրաստ են շինարարական աշխատանքները մեկնարկելու:

Վրիպա՞կ գտաք։ Նշեք հատվածը և սեղմեք Ctrl + Enter։