Microsoft-ի նոր՝ Xbox Series X կոնսոլը նույնպես մեմերի է վերածվել
Սպասվում էր, որ այն պետք է «հրեշ» համարվի, սակայն դարձավ «մոխրաման», «տակդիր», «մանղալ», «սառնարան» և այլն ՝ արժանանալով Cybertruck-ի ճակատագրին:
2019թ. խաղային արդյունքները ներկայացնելիս՝ դեկտեմբերի 12-13-ին կայացած ամենամյա The Game Awards արարողության ժամանակ, ցուցադրվել է Microsoft-ի նոր խաղային կոնսոլը` Xbox Series X-ը: Լոս Անջելեսում՝ Microsoft-ի թատրոնում ներկայացված նորահայտ սարքավորումը, սպասվում էր, որ պետք է մեծ տպավորություն թողնի գեյմերների ու հանրության վրա: Սակայն այն ավելի շատ դարձավ նոր մեմերի առարկա:
Նոր սերնդի խաղային կոնսոլն աչքի է ընկել իր արտասովոր դիզայնով, ինչն էլ համացանցում շատ մեմերի տարածման պատճառ է դարձել: Ստորև կարող եք տեսնել Xbox Series X-ի թրեյլերը:
Microsoft Xbox-ի ղեկավար Ֆիլ Սփենսերի խոսքով՝ այսպիսի դիզայնի հաշվին սարքավորումն օժտված է հատուկ ֆունկցիոնալությամբ: Նախ՝ կոնսոլը կաշխատի առավել անձայն և արդյունավետ՝ ապահովելով Xbox One X-ի քառակի հաշվողական հզորությունը: Ապա՝ այն կարելի է տեղադրել և՛ հորիզոնական, և՛ ուղղահայաց դիրքերով:
Նոր կոնսոլն օժտված է նաև տեխնիկական ուրույն բնութագրով: Մասնավորապես, ապահովելու է 8K որակի խաղեր՝ 120 վայրկյան/կադր հաճախականությամբ: Հնարավոր է կատարել ճառագայթների ուղեգծում և թարմացման հաճախականության փոփոխում: Նրանում կարելի է խաղալ հազարավոր խաղեր: Բացի այդ, ձեռքբերումներն ու առաջընթացը հանգիստ կարելի է տեղափոխել մի սերնդից հաջորդ սերունդ:
Կոսնոլն ունենալու է AMD Zen 2-ի և Radeon RDNA-ի ճարտարապետության հիմքի վրա մշակված հատուկ պրոցեսոր: Սարքավորումը պատրաստված է NVMe SSD-ի և GDDR6-ի հիման վրա: Վերջինիս շնորհիվ աշխատանքի մեկնարկի տևողությունը կրճատվում է: Չի բացառվում, որ Xbox Series X-ի արտադրողականությունը կազմի 12 տերաֆլոպս:
Microsoft-ը հայտարարել է, որ նոր Xbox-ը վաճառքի կհանվի մյուս տարի՝ տոներին մոտ. աշնանը կամ ձմռան սկզբին: Գնի մասին դեռևս չի հաղորդվում: Ընդ որում նրանում առաջին էքսքլյուզիվը կլինի Սենուա անունով աղջկա տխուր ճանապարհորդության շարունակությունը (Hellblade 2):
Բայց եթե տեխնիկական բնութագրերը գրավեցին համացանցի օգտատերերին, ապա այն երկար չտևեց. հազարավոր մեմերը ավելի լայն տարածում գտան: Օգտատերերն, օրինակ, արդեն մտածել են, թե ինչ նպատակով կարելի է օգտագործել նոր կոնսոլը՝ օրինակ՝ որպես տակդիր.
Կամ՝ որպես մոխրաման.
Կան ավելի կրեատիվ տարբերակներ.
Ոմանց Xbox-ը հիշեցրել է Սպունգ Բոբին.
Ոմանց՝ Թոմ կատվին.
Նմանեցրել են նաև իրական մարդկանց.
Մի քանիսին թվում է, թե նոր կոնսոլը նման է «2001թ.: Տիեզերական ոդիսական» ֆիլմի ուղղանկյանը:
Կան նաև այլ ենթադրություններ.
Ինչ-որ մեկը նաև կարծում է, որ ժամանակակից դիզայնով սարքավորումները պետք է միասին լինեն, ինչպես օրինակ Tesla-ի Cybertruck-ը:
Իլոն Մասկի ներկայացրած նոր էլեկտրոմոբիլը նույնպես աչքի էր ընկել իր առանձնահատուկ ֆուտուրիստական տեսքով: Այն ևս բազմաթիվ մեմերի «պատճառ» էր դարձել:
Մեկնաբանությունները