Հենրիխ Մխիթարյանը տեղափոխվում է Ռոմա
Հայ ֆուտբոլիստն իտալական ակումբ է տեղափոխվելու վարձակալությամբ՝ պարտադիր գնման հնարավորությամբ, որը կարող է իրականացվել խաղաշրջանում 25 խաղ անցկացնելուց հետո:
Հենրիխ Մխիթարյանը և հռոմեական ակումբի սպորտային տնօրեն Ջանլուկա Պետրաչին գիշերը շտապ բանակցություններ են ունեցել, ինչից հետո «Արսենալի» ու «Ռոմայի» միջև գործարքը կայացել է:
Հաղորդվում է, որ Մխիթարյանն արդեն Հռոմում է: Նա Իտալիայի մայրաքաղաքում «Ռոմայի» համար բուժզննում է անցնելու:
Հայ ֆուտբոլիստն իտալական ակումբ է տեղափոխվելու վարձակալությամբ՝ պարտադիր գնման հնարավորությամբ, որը կարող է իրականացվել խաղաշրջանում 25 խաղ անցկացնելուց հետո:
Հենրիխը 2018թ. հունվարից է հանդես գալիս «Արսենալում»: Դրանից առաջ «Մանչեսթեր Յունայթեդում» էր: Լոնդոնյան ակումբում Մխիթարյանն ընդհանուր առմամբ 59 հանդիպման է մասնակցել, 9 գոլի և 13 գոլային փոխանցման հեղինակ է դարձել:
Ընթացիկ մրցաշրջանում Մխիթարյանն Անգլիայի Պրեմիեր լիգայում «Արսենալի» 4 խաղից 3-ին է մասնակցել, ընդ որում՝ միայն մեկում է մեկնարկային րոպեներից մտել դաշտ:
Մեկնաբանությունները