Արցախի դեմ պատերազմը կազմակերպած գեներալը Բաքվում Թուրքիայի ներկայացուցիչ է նշանակվել
Բաքվում թուրքական հրամանատարության հատուկ խումբ է ստեղծվել, որը ներկայացնելու է Թուրքիայի զինված ուժերն Ադրբեջանում: Ղեկավար է նշանակվել Բախտիյար Էրսայը, ով Արցախի դեմ պատերազմի ժամանակ գլխավորել է ադրբեջանական բանակի գլխավոր շտաբը:
Ադրբեջանական աղբյուրների հաղորդմամբ` Բաքվում թուրքական հրամանատարության հատուկ խումբ է ստեղծվել, որը ներկայացնելու է Թուրքիայի զինված ուժերն Ադրբեջանում:
Հատուկ խմբի ղեկավար է նշանակվել Թուրքիայի ցամաքային զորքերի օպերատիվ կառավարման ղեկավար գեներալ Բախտիյար Էրսայը: Թուրքական հրամանատարությունում են նաև գեներալներ Աբդուլլահ Գաթըրջըն, Էնդեր Գյուները (շտաբի պետն է լինելու), Զաքարիյա Յալչընը (Բաքվում Թուրքիայի դեսպանության ռազմական կցորդ):
Բախտիյար Էրսայը հայտնի է որպես 2020թ. աշնանն Արցախի դեմ պատերազմի կազմակերպիչներից մեկը: Որոշ տեղեկությունների համաձայն` Էրսայը պատերազմի ժամանակ անձամբ է ղեկավարել Ադրբեջանի գլխավոր շտաբը: Նաև նշվում է, որ Անկարան այդ ժամանակ չէր վստահում ադրբեջանցի գեներալներին` նրանց կասկածելով Մոսկվայի հետ համագործակցության մեջ:
Մեկնաբանությունները