Հայաստանում կորոնավիրուսով վարակվածության 26 նոր դեպք է գրացվել (upd.)
Ապրիլի 13-ի ժամը 11:00-ի դրությամբ վարակվածների թիվը հասել է 1039-ի: Մեկ օրում մահացության 1 նոր դեպք է գրանցվել, առողջացել է 14 մարդ:
ՀՀ Առողջապահության նախարարության Հիվանդությունների վերահսկման և կանխարգելման ազգային կենտրոնի տվյալներով՝ ապրիլի 13-ի ժամը 11:00-ի դրությամբ Հայաստանում Covid-19 կորոնավիրուսով վարակվածների թիվն ավելացել է 26-ով՝ հասնելով 1039-ի:
Վերջին օրվա ընթացքում մահացության 1 նոր դեպք է գրանցվել «Սուրբ Գրիգոր Լուսավորիչ» բժշկական կենտրոնում. 67-ամյա պացիենտն ունեցել է կորոնավիրուսային հիվանդություն, հաստատված երկկողմանի թոքաբորբ։ Բացի այդ, կինն ունեցել է ուղեկցող խրոնիկ հիվանդություն՝ շաքարային դիաբետ։ Մահացությունների ընդհանուր թիվն, այսպիսով, դարձել է 14:
Ապրիլի 12-ին առողջացել և հիվանդանոցից դուրս են գրվել 14-ը: Հաղորդվում է, որ փաստացի բուժում է ստանում 814 պացիենտ:
UPD. Կորոնավիրուսով վարակված զինծառայողներից 6-ն ապաքինվել է: Հաղորդվում է, որ ՀՀ ԶՈւ-ում վարակակիրների թիվը չնչին է։
Շարժական լաբորատորիայում թեստավորվել է 165 զինծառայող, բացասական պատասխանների թիվը գերակշռում է։ Ծանր կամ ծայրահեղ ծանր վիճակում գտնվող, կամ արհեստական շնչառական սարքին միացված զինծառայողներ չկան։
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները