Google-ը թողարկել է Android 11 օպերացիոն համակարգը
Օպերացիոն համակարգի նախնական տարբերակը մշակողները կարող են արդեն ներբեռնել Google Pixel սմարթֆոններում: Վերջնական կայուն տարբերակի թողարկումը նախատեսված է 2020թ. աշնանը:
Developers Preview-ի Android 11 օպերացիոն համակարգը թողարկվել է հատուկ բջջային հավելվածներ մշակողների համար, որպեսզի նրանք կարողանան փորձարկել և նախապատրաստել թարմացումներ իրենց ծրագրերի համար: Համակարգն Android դեվելոպերների կայքում արդեն հասանելի է ներբեռնման համար: Ներկայումս հնարավոր է այն տեղադրել Google Pixel-ի 2, 3, 3a և 4 շարքերի սարքավորումներում:
Մարտ-ապրիլ ամիսներին Google-ը նախատեսում է ևս երկու ՕՀ թողարկել մշակողների համար: Հրապարակային Beta տարբերակի ռելիզը պետք է կայանա մայիսին՝ Google I/O ամենամյա համաժողովի ժամանակ, իսկ վերջնական կայուն տարբերակի թողարկումը նախատեսված է այս տարվա աշնանը:
Android 11-ի հիմնական նորարարությունները վերաբերում են գաղտնիությանն ու արտադրողականությանը: Այսպես, ՕՀ-ից օգտվողները կկարողանան ժամանակավոր հասանելիություն ընձեռնել միկրոֆոնին, տեսախցիկին ու տեղորոշմանը: Հասանելիության իրավունքը կգործի մինչև առաջին ելքը ծրագրից. հերթական մուտքի դեպքում ծրագիրը կրկին կհարցնի թույլտվության մասին:
Նոր տարբերակը կապահովի ավելի կայուն և արագ 5G կապ: Դրա շնորհիվ մշակողները կկարողանան ստեղծել արագ կապ պահանջող ծրագրեր՝ կողմնորոշվելով ոչ միայն Wi-Fi-ով, այլև բջջային կապով: Google Stadia սթրիմինգային ծառայության օգտատերերին պետք է ուրախացնի տեսանյութերի ապակոդավորումը՝ MediaCodec-ում ցածր հապաղմամբ: Դա կապահովի նվազագույն հապաղում հոսքային տեսանյութի հեռարձակման ժամանակ:
Նրանց համար, ովքեր օգտվում են մի քանի մեսենջերներից, նախատեսված է բոլոր հաղորդագրությունների խմբավորում այսպես կոչված ծանուցման վարագույրում: Դրա շնորհիվ հնարավոր է արագ և հեշտությամբ անցնել ընթացիկ զրույցին: Ծանուցման վարագույրի միջոցով հնարավոր կլինի նաև պատասխաններում նկարներ ավելացնել՝ անմիջապես մուտք չգործելով մեսենջեր:
Android-ի մշակողներն արձագանքել են նոր ֆորմատի դիսփլեյներով սմարթֆոնների մի ամբողջ շարքի ի հայտ գալուն: ՕՀ-ի նոր տարբերակը ստացել է հարթ էկրանների աջակցություն և բարելավում՝ պերֆորացիաներով ու կտրվածքներով էկրանների աշխատանքի համար (այն դեպքում, երբ անհրաժեշտ կլինի օգտագործել դիսփլեյի ծայրամասային հատվածները): Ընդլայնված է նաև նեյրոցանցերի և մեքենայացված ուսուցման ապահովումը:
Մի շարք թարմացումների շարքում, 10-րդ տարբերակի համեմատ, կարելի է նշել զանգերի ֆիլտրացիայի ոլորտում նորարարությունը (զանգից հետո էկրանի տեսանելիության կարգավորման հնարավորություն՝ սպամերի ցանկում կամ հեռախոսագրքում արագորեն ավելացնելու համար), կատարելագործված ծրագրային ինտերֆեյս՝ Wi-Fi-ով օպտիմալ կապի ընտրությամբ, համակարգի թարմացվող մոդուլների քանակի ավելացում (այստեղ դրանք 22-ն են՝ նախորդի 12-ի փոխարեն):
Նշվում է, որ նախորդ տարի Google-ը հրաժարվել էր բջջային ՕՀ-ի «քաղցրավենիքային» անվանումներից (Android 8-ը ստացել էր Oreo անվանումը, իսկ Android 9-ը՝ Pie): ՕՀ-ի նոր տարբերակը, Android 10-ի նման, հավելյալ անվանում չի ունենա:
Telegram 
Facebook 
Google News NASA-ի Parker Solar Probe սարքի տվյալներով գիտնականները պարզել են, որ արևային քամու մագնիսական տատանումների պտույտի ուղղությունը փոխվում է՝ կախված դիտարկվող մասշտաբից։ Արդյունքն օգնում է հասկանալ տիեզերական պլազմայի տուրբուլենտ վարքը և կարող է օգտակար լինել տիեզերական եղանակի մոդելավորման համար։
ԱՄՆ-ում և Իսրայելում ավելի քան մեկ միլիոն կանանց լաբորատոր տվյալների ուսումնասիրությունը ցույց է տվել, որ դաշտանադադարի շրջանում փոփոխվում են ոչ միայն սեռական հորմոնները։ Մի շարք ցուցանիշներում հետազոտողները հայտնաբերել են կտրուկ անցում, իսկ հորմոնային փոփոխությունները՝ վերջին դաշտանից ավելի քան տասը տարի առաջ։
Ֆիզիկոսների տեսական հաշվարկները ցույց են տվել, որ լույսի քվանտային տատանումները կարող են փոխել ատոմներից արձակվող էլեկտրոնների ազդանշանը։ Այդ փոփոխությունը չափման մեջ կարող է երևալ որպես մի քանի տասնյակ ատտովայրկյանի լրացուցիչ ուշացում՝ լույսի հատկությունները հետազոտելու նոր հնարավորություն տալով։
Հայաստանի առողջապահության նախարարությունը պայմանական թույլտվություն է տվել ամերիկյան Agenus ընկերության Botvymo և Evamplix դեղամիջոցների համատեղ կիրառմանը՝ աղիների քաղցկեղի որոշակի տեսակի բուժման համար։ Ընկերության հաղորդմամբ՝ սա երկու դեղամիջոցների առաջին պաշտոնական գրանցումն է աշխարհում։
Գիտնականներն ուսումնասիրել են Սուրբ Հեղինե կղզում ապրող Ջոնաթան հսկա կրիայի գենոմն ու գեների ակտիվությունը կարգավորող քիմիական նշումները։ Ըստ գնահատականների՝ 194 տարեկան կենդանու մոտ հայտնաբերված որոշ առանձնահատկություններ կարող են առնչվել նրա երկարակեցությանը, սակայն այդ կապը դեռ ապացուցված չէ։
Էկվադորի Ամազոնիայում հայտնաբերված Taczanowskia waska սարդի մարմնի ելուստները սնկային գոյացություններ են հիշեցնում։ Հետազոտողների վարկածով՝ այդ նմանությունը կարող է օգնել նրան խուսափել գիշատիչներից կամ աննկատ որսալ։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
Մի ինքնաթիռի հետևում երկար սպիտակ գիծ է ձգվում, իսկ մյուսի հետևում երկինքը մնում է պարզ։ Այս տարբերությունը պայմանավորված է օդի վիճակով և շարժիչների աշխատանքով, ոչ թե ինքնին ապացուցում է «թունավոր նյութերի ցրում»։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները