Նոր համակարգը կարող է պարզել պատի հետևում կանգնածի ինքնությունը

XModal-ID տեխնոլոգիան Wi-Fi-ի ազդանշանի վրա հիման վրա քայլվածքի միջոցով փակ տարածությունում կարողանում է նույնականացնել մարդուն՝ տարբերելով հանցագործին անմեղից:

Պատկերացրեք՝ կասկածյալը, թալանելով բանկը, կարող է թաքնվել շինության տարածքներից մեկում: Բայց արդյո՞ք պատի հետևում հանցագործն է, թե՞ կարող է տուժել անմեղ անձնավորություն: Այժմ դրանում կարելի է համոզվել՝ օգտագործելով XModal-ID համակարգը և անվտանգության տեսախցիկները:

Պրոֆեսոր Յասամին Մոստոֆիի խմբի կողմից ստեղծված XModal-ID-ը քայլվածքի առանձնահատկությունների ճանաչման և այն 3D մոդելավորման մեջ տեղադրման համար օգտագործում է տեսանյութերը: Այդ մոդելի հիման վրա հաշվի է առնվում ազդեցությունը, որը մարդն իր քայլվածքով թողնում է անլար ազդանշանի վրա:

Այնուհետև, օգտագործելով Wi-Fi ընդունիչն ու ցրիչը, XModal-ID-ն նույնականացնում է մարդուն՝ նույնիսկ եթե նա գտնվում է փակ տարածությունում: XModal-ID-ն արդեն արձանագրել է նույնականացման 84%-անոց հուսալիություն: Նախատեսվում է, որ հետագայում այդ թիվը կմեծանա:

Յասամին Մոստոֆիի խոսքով՝ տեխնոլոգիայի շնորհիվ պարզվում է, թե պատի հետևում գտնվող անձն այն նույն մարդն է, ով տեսանյութում է երևում: Գործընթացում օգտագործվում է նույնիսկ Wi-Fi-ի՝ վաճառքում գտնվող սովորական սարքեր: Հեղինակը նշել է, որ համակարգին պետք են ընդամենը անլար ազդանշան, կարիք չկա նրան վարժեցնել տեսանյութերին, չի պահանջվում նախապես հայտնի տարածք: