Ամերիկյան ընկերությունը 3D տպիչով 24 ժամում 32,5 քմ մակերեսով տուն է կառուցել — Շեշտ.am (shesht.am)
4 րոպե
Խմբագրություն

Ամերիկյան ընկերությունը 3D տպիչով 24 ժամում 32,5 քմ մակերեսով տուն է կառուցել

Տները կառուցվում են էկոլոգիապես մաքուր հումքից, ամբողջությամբ կահավորվում են: 95%-ով ավելի քիչ մարդկային ուժ է պահանջվում, աղբն 90%-ով քիչ է լինում: Ամբողջ «կեղտոտ» գործը կատարում է 3D տպիչը՝ գործարանում: Պատվիրատուն միայն պետք է մտածի, թե որտեղ տեղադրի ինժեներական մտքի փայլատակումը:

Տուն՝ կառուցված 3D տպիչով / © Mighty Buildings

Վաղուց արդեն ոչ ոք չի զարմանում՝ լսելով տպիչների մասին, որոնք տպագրության համար ոչ թե թանաք են օգտագործում, այլ հատուկ բետոնա լուծույթ: 3D տպիչը՝ նորարարական տեխնիկան, անսահմանափակ հնարավորություններ ունի տնտեսության մեջ, բայց առավել ուշագրավ են նրա շինարարական ընդունակությունները: Այսպես, ամերիկյան Mighty Building ընկերությունն էկոլոգիապես մաքուր տան կառուցվածք է ստեղծել ընդամենը 24 ժամում. ֆիզիկական ուժը՝ 95%-ով քիչ, աղբը՝ 90%-ով քիչ:

Ներկայումս նման հնարավորության պարագայում, ընդ որում՝ սովորականից 45%-ով ավելի քիչ գումարի դեպքում, կարելի է ունենալ սեփական քոթեջը. անհրաժեշտ են միայն կոնստրուկտորներ և 3D տպիչ: Համենայն դեպս՝ այդպես է գնահատում Կալիֆորնիայում գտնվող Mighty Building ընկերությունը:

3D տպիչով տան կառուցման գործընթացը / © Mighty Buildings

Մասնագետները մշակել են մոնոլիտային տների կառուցման յուրահատուկ համակարգ, որը թույլ է տալիս ոչ միայն պատերը կառուցել, այլև ներքին հարդարումը: Այդ պարագայում աշխատակիցները միայն պետք է անհրաժեշտ միացումները կատարեն և տեղադրեն դռներն ու պատուհանները:

Ընկերությունը մոնոլիտային տները կառուցում է գործարանի տարածքում և պատրաստի վիճակով առաքում պատվիրատուին. վերջինիս մնում է միայն որոշել, թե որտեղ պետք է տեղադրվի ինժեներական մտքի փայլատակումը: Ամբողջ «կեղտոտ» աշխատանքը կատարում է տպիչը:

Մոդուլը, ինչպես հաղորդվում է, կառուցվում է հատուկ վերամշակված ոչ թունավոր ջերմառեակտիվ կոմպոզիտից, որը կոչվում է «թեթև քարե նյութ» (LSM): Այն ամրանում է ուլտրամանուշակագույն ճառագայթման ներքո՝ դառնալով առավել արդյունավետ շինանյութ, քան՝ բետոնը:

Նյութերը հատուկ ստուգում են անցել և հավաստագրվել են բնակելի տարածքների կառուցման համար: Որակի ու անվտանգության վկայող փաստաթղթերը տրամադրված են ոլորտի միջազգային առաջատար կազմակերպություններից:

Տուն՝ կառուցված 3D տպիչով / © Jarett Gross

«Mighty» մոդուլները մի քանի տեսակ ունեն՝ սկսած 32,5 քմ-ից (Mighty Studio), վերջացրած 134 քմ-ով: Անկախ չափից՝ շինությունը տրամադրվում է ամբողջ ներքին հարդարմամբ, լոգասենյակի ու խոհանոցի կահավորմամբ՝ պահարաններով, դարակներով, կենցաղային տեխնիկայով, ջեռուցման համակարգով, օդափոխությամբ: Արժեքը կախված է միայն չափից՝ սկսած 100 հազար դոլարից, մինչև 285 հազար դոլար:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

1 րոպե
Խմբագրություն

Հաղորդվում է, որ Իրանի հետ սահմանին Թուրքիան կենտրոնացրել է նաև ռմբակոծիչներ և Բայրաքթար անօդաչուներ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.