Տավուշում դիրքերի գրավման փորձ չի եղել. ՊՆ-ն հերքել է
Վարչապետի աշխատակազմի գործերի նախկին կառավարիչ Գևորգ Աճեմյանը հայտարարություն էր տարածել, իբր ադրբեջանական կողմն այս գիշեր փորձել է Տավուշի մարզի ուղղությամբ տեղակայված հայկական դիրքեր գրավել։ ՊՆ-ից հաղորդել են, որ լուրն իրականությանը չի համապատասխանում:
Համացանցում տեղեկություն է տարածվում, թե իբր ադրբեջանական կողմն այս գիշեր փորձել է Տավուշի մարզի ուղղությամբ տեղակայված հայկական դիրքեր գրավել։ Մասնավորապես` ՀՀ վարչապետի աշխատակազմի գործերի նախկին կառավարիչ Գևորգ Աճեմյանն է այդպիսի հայտարարություն տարածել` նշելով, թե հայկական կողմը թույլ չի տվել:
Աճեմյանի խոսքով` դեպքը տեղի է ունեցել Անվախում: Երկու կողմի զինված ուժերին, ըստ նրա, «համար 1» է տրվել («տագնապ»): Պնդում է նաև, որ ադրբեջանցիները «հրետանի են պատրաստել` անհրաժեշտության դեպքում կիրառելու»:
«Տեղեկատվության ստուգման կենտրոնը», սակայն Պաշտպանության նախարարությունից տեղեկացել է, որ տարածված լուրն իրականությանը չի համապատասխանում:
Հաղորդվում է, որ, ըստ պաշտպանական գերատեսչության, սահմանային իրավիճակը վերահսկելի է և որևէ միջադեպ չի արձանագրվել:
Մեկնաբանությունները