Ռուսական Ми-8 և Ми-24 ուղղաթիռներ են օդ բարձրացել և պտտվում են Գյումրու ռազմաբազայի երկնքում
102-րդ ռազմաբազայի ուղղաթիռների թռիչքի վերաբերյալ մեկնաբանություն դեռևս չկա, սակայն ռազմական փորձագետը մեզ հայտնեց, որ դա ցուցադրական նշանակություն ունի՝ ի պատասխան թուրքական կողմի հայտարարությունների:
Ժամը 11-ի սահմաններում Ռուսաստանի ռազմաօդային ուժերի Ми-8 և Ми-24 ուղղաթիռները Գյումրիում տեղակայված ռազմաբազայից օդ են բարձրացել և ներկայումս պտտվում են ռազմաբազայի երկնքում: Մեր աղբյուրը փոխանցեց, որ ուղղաթիռները 4-ն են:
Պաշտոնական մեկնաբանություն դեռևս առկա չէ, սակայն ռազմական փորձագետի հետ զրույցում տեղեկացանք, որ թռիչքը ցուցադրական է՝ ի պատասխան Թուրքիայի՝ վերջին օրերի հայտարարություններին:
Հիշեցնենք, որ հայ-ադրբեջանական սահմանին ռազմական ընդհարումից հետո թուրքական կողմը պարբերաբար հայտարարությում է «եղբայրական» Ադրբեջանին աջակցության մասին:
Հավելենք, որ ժամեր առաջ նույնատիպ թռիչքներ իրականացրել է նաև Տաջիկստանում տեղակայված 201-րդ ռազմաբազայի ուղղաթիռները: Նրանց վերաբերյալ հաղորդվել է, որ թռիչքները ուսումնական նշանակություն են ունեցել:
Մեկնաբանությունները