ԱՄՆ-ում խափանվել է զորակոչի հայտարարման կայքը
Կայքի միջոցով ամերիկացիները համընդհանուր մոբիլիզացիայի դեպքում տեղեկանում են պարտադիր զորակոչի մասին: Իրանցի գեներալի սպանությունից ժամեր անց այն խափանվել է, իսկ օգտատերերը շարունակում են կատակել:
ԱՄՆ-ում խափանվել է Selective Service System-ի կայքը: Վերջինիս միջոցով ամերիկացիները պատերազմի դեպքում տեղեկանում են զորահավաքի մասին: Հաղորդվել է, որ կայքը չի դիմացել ապատեղեկատվության զանգվածային հոսքից առաջացած ծանրաբեռնվածությանը:
ԱՄՆ-ի օրենսդրության համաձայն՝ զորակոչի ենթակա 18-25 տարեկան բոլոր ամերիկացիները պարտավոր են գրանցվել Selective Service System կայքում: Ենթադրվում է, որ տվյալների մուտքագրման համակարգն օգտագործվել է կատակներ ուղարկելու կամ միտումնավոր շարքից հանելու նկատառումներով:
Գերատեսչությունում խոստացել են խնդիրը կարգավորել կարճ ժամկետում և հիշեցրել են, որ պարտադիր զորակոչը նույնիսկ համընդհանուր մոբիլիզացիա հայտարարելու դեպքում ակնթարթորեն տեղի չի ունենա: Մինչ այդ Կոնգրեսը պետք է համապատասխան փաստաթուղթ ընդունի, որից հետո այն ենթակա է նախագահի վավերացմանը:
ԱՄՆ-ում պարտադիր զորակոչը չեղարկվել է դեռևս 1973թ., երբ ամերիկյան զինված ուժերն անցել են պայմանագրային կարգի: Սակայն մոբիլիզացիայի դեպքում իշխանությունները կարող են բոլոր պիտանի ամերիկացի տղամարդկանց զորակոչ հայտարարել: Այդ մասին քաղաքացիները կարող են տեղեկանալ Selective Service System կայքից:
Տեղեկություններ են հաղորդվել, որ SSS կայքը խափանվել իրանցի գեներալ Ղասեմ Սուլեյմանի սպանությունից ժամեր անց: Այս ամենին զուգահեռ՝ սոցցանցերում WWIII մեմեր են տարածվել՝ Երրորդ համաշխարհային պատերազմի մեկնարկի մասին: Օգտատերերը կատակել են այդ թեմայով՝ շոշափելով նաև բանակի զորակոչի հարցը:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները