Հաստատված նոր դեպքերի թիվը Հայաստանում 428 է
Կորոնավիրուսից մահացության 10 նոր դեպք է գրանցվել, առողջացածների թիվն աննախադեպ է՝ 775: Փաստացի բուժում է ստանում 8573 պացիենտ:
Հայաստանում Covid-19-ով վարակվածների թիվը հասել է 14103-ի: Մինչ օրս կատարվել է ընդհանուր առմամբ 73156 թեստավորում:
Կորոնավիրուսից մահացածների թիվը հասել է 227-ի: Նախորդ օրը մահացած պացիենտները եղել են 71 (տղամարդ), 62 (կին), 54 (տղամարդ), 60 (կին), 58 (տղամարդ), 59 (կին), 66 (կին), 84 (տղամարդ), 93 (տղամարդ), 75 (տղամարդ) տարեկան: Բոլորն ունեցել են ուղեկցող քրոնիկական հիվանդություններ։ Վարակվածների շրջանում այլ պատճառով մահացության 3 նոր դեպք է գրանցվել՝ ընդհանուր հասնելով 77-ի:
Առողջացածները 5226-ն են: Վերջին 24 ժամում առողջացել է 775 մարդ:
Նախօրեին վարչապետ Նիկոլ Փաշինյանը հայտարարել էր, որ Հայաստանում կորոնավիրուսով պայմանավորված իրավիճակը շարունակում է լարված մնալ, ուստի հնարավոր է՝ արտակարգ դրությունը երկարաձգվի:
Մեկնաբանությունները