Հայաստանն Իրանի հնարավոր դաշնակցից վերածվում է թիրախի. Սարգիս Ծատուրյան
«Ռեալիստի» գլխավոր խմբագրի համոզմամբ՝ Փաշինյանը ներկայումս մտածում է Կրեմլին հաճոյանալու մասին: Վերջինս, սակայն, իր հերթին նրան հրում է դեպի Էրդողանի գիրկը: Իսկ Իրանի հետ համատեղ ճակատով հանդես գալու փոխարեն հայկական իշխանությունները Թեհրանին առաջարկում են Բաքվի հետ պայմանավորվել:
«Ռեալիստի» գլխավոր խմբագրի համոզմամբ՝ ճիշտ ժամանակն է, որպեսզի Հայաստանի և Իրանի զինված ուժերը համատեղ զորավարժություններ անցկացնեն: Նրա խոսքով, սակայն, Երևանի «անատամ» կառավարությունն անկարող է այդ քայլին գնալ:
Սարգիս Ծատուրյանը համարում է, որ Նիկոլ Փաշինյանը ներկայումս մտածում է Կրեմլին հաճոյանալու մասին: Վերջինս, սակայն, իր հերթին նրան հրում է դեպի Էրդողանի գիրկը:
Իրանի հետ համատեղ ճակատով հանդես գալու փոխարեն, ինչպես նշում է, հայկական իշխանությունները Թեհրանին առաջարկում են Բաքվի հետ պայմանավորվել ենթակառուցվածքների ապաշրջափակման հարցում:
Հարցադրմանը, թե ի՞նչ արդյունքի են ձգտում Անկարան ու Բաքուն՝ Իրանի դեմ վերջին օրերին տարվող սադրիչ գործողություններով, Ծատուրյանը շեշտում է, որ նրանք մտադիր են անմիջական հակամարտություն հրահրել Իրանի և նատոյական Թուրքիայի միջև՝ Իսլամական Հանրապետության նկատմամբ պատժամիջոցները չեղարկելու ուղղությամբ Բայդենի և Եվրամիության մտադրությունները խափանելու նպատակով, ինչպես նաև տապալել իրանական միջուկային գործարքի շուրջ բանակցային գործընթացը:
Սարգիս Ծատուրյանը համարում է, որ Փաշինյանի կառավարության կողմից հայ-իրանական միջպետական մայրուղու առանձին հատվածն ադրբեջանական կողմին հանձնելն այս «կեղտոտ խաղի» մի մասն է: Երևանը, նրա խոսքով, Իրանի դեմ «օտար խաղեր է խաղում»՝ երկիրը հնարավոր դաշնակցից վերածվելով թիրախի:
Մեկնաբանությունները