Երևանյան շոգը կարող է գերազանցել 30-ամյա ռեկորդը — Շեշտ.am (shesht.am)
2 րոպե
Խմբագրություն

Երևանյան շոգը կարող է գերազանցել 30-ամյա ռեկորդը

1989թ․ այս օրերին Երևանում արձանագրված ռեկորդային ցուցանիշը կազմել է 39,7 աստիճան։

Երևանում շոգ է / ©SputnikArmenia

Օդի ջերմաստիճանը Երևանում այսօր ցերեկային ժամերին կտատանվի 38-40 աստիճանի սահմաններում։ Այս օրերին նման բարձր ջերմաստիճան արձանագրվել էր դեռևս 1989թ․։ Այն ժամանակ ռեկորդային ցուցանիշը 39,7 աստիճանն էր։

Այս տարվա համեմատաբար շոգ եղանակով պայմանավորված՝ Արտակարգ իրավիճակների նախարարությունն արդեն բազմաթիվ զգուշացումներ է արել հրդեհավտանգ իրավիճակի մասին։ Նախորդ տարվա համեմատ՝ այս տարի հրդեհների թիվը կրկնապատկվել է։ Եթե 2018-ի առաջին կիսամյակում հրդեհների 1702 դեպք է գրանցվել, ապա ընթացիկ տարվա առաջին կիսամյակում 3554 հրդեհ է եղել։

ԱԻՆ փրկարար ծառայության տնօրենի տեղակալ Վրեժ Գաբրիելյանը նշել է, որ 2017թ. առաջին կիսամյակում 1887 հրդեհ է գրանցվել։ Նրա խոսքով՝ 2019 թվականի հունիսին 1701 հրդեհ է գրանցվել, որը 3.6 անգամ բարձր է նախորդ տարիների ցուցանիշից:

Գաբրիելյանը նշել է, որ բուսածածկ տարածքներում հրդեհների թիվն այս տարի 1364-ով աճել է. 2017 թվականի առաջին կիսամյակին` 585 դեպք, 2018-ին` 540, իսկ 2019-ին` 2104։

Վրեժ Գաբրիելյանը հրդեհների քանակի աճը պայմանավորել է քաղաքացիների կողմից շրջակա միջավայրի նկատմամբ անտարբերությամբ՝ նշելով, որ չեն պահպանում հրդեհային անվտանգության կանոները։ ԱԻՆ փրկարար ծառայության տնօրենի տեղակալի խոսքով՝ եթե ժամանակին Երևան համայնքի համապատասխան մարմիններն իրականացնեն ոռոգման աշխատանքներ, հրդեհների թիվը կնվազի:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

1 րոպե
Խմբագրություն

Հաղորդվում է, որ Իրանի հետ սահմանին Թուրքիան կենտրոնացրել է նաև ռմբակոծիչներ և Բայրաքթար անօդաչուներ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.