Ստեղծվել է «հիշողություն ունեցող» բրդանման մատերիալ
Ստեղծված նյութը հնարավոր է նախապես «ծրագրավորել», և այն կվերադառնա իր նախնական կառուցվածքին: Բրդե գործվածքի նմանվող մատերիալը ստացվում է 3D տպիչի օգնությամբ:
Հարվարդի համալսարանի գիտնականների խումբը փորձերից մեկում յուրահատուկ նյութը «ծրագրավորել է» աստղի կառուցվածքով: Այնուհետև նրանք այն տեղադրել են ջրի մեջ, որպեսզի պլաստիկ դարձնեն և վերափոխեն խողովակաձևի: Երբ գիտնականները նյութը կրկին դրել են ջրի մեջ, այն բացվել է և ստացել աստղի՝ սկզբնական տեսքը:
Այդ ամենի հիմքը կերատինն է, որը հետազոտողները ստացել են վերամշակված բրդից: Այդ թելանման սպիտակուցը գոյություն ունի ոչ միայն բրդի մեջ, այլև մարդու մազերում ու եղունգներում: Օրինակ՝ մազերն ուղիղացնելիս կամ հարդարելիս պետք է հիշել, որ ջուրը մազերին սկզբնական կառուցվածքի է վերադարձնում:
Հարվարդի գիտնականները կերատինի շղթան վերածել են զսպանակաձև կառուցվածքի: Նրանք զույգը միասին են պտտել, ապա բազմաթիվ այդպիսի «զսպանակներից» ստացել են հաստ թել: Խումբը նշել է, որ այդպիսի նյութից հնարավոր է պատրաստել բարդ կառուցվածքներ՝ ընդհուպ մինչև միկրոնային մակարդակի:
Հետազոտողների կարծիքով՝ «վերականգնվող» մատերիալը մեծ պահանջարկ կարող է ունենալ նորաձևության արդյունաբերությունում: Նրա օգնությամբ դիզայներները կարող են ստեղծել ունիվերսալ հագուստ, որը հարմար կլինի ցանկացած մարդու: Սովորական սպառողի համար այն կարող է խնայողության միջոց լինել. չափերի փոփոխության պատճառով նոր հագուստ գնելու կարիք չի լինի:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:
Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:
Հաղորդվում է, որ Իրանի հետ սահմանին Թուրքիան կենտրոնացրել է նաև ռմբակոծիչներ և Բայրաքթար անօդաչուներ:
Մեկնաբանությունները