Ազգային ժողովը 77 կողմ ձայնով ընդունեց «Ամենամեծ բյուջեի» նախագիծը
Բյուջեի նախագիծն ընդունվեց ծափողջույններով: Կենսաթոշակներ, պաշտպանություն, ճանապարհներ. 2020թ. ՀՀ պետբյուջեով նախատեսված մի քանի առանձնահատկություններ:
ՀՀ 2020թ. պետական բյուջեի նախագծին ընդդիմադիր Լուսավոր Հայաստան և Բարգավաճ Հայաստան խմբակցությունները դեմ քվեարկեցին (37 դեմ): Հայաստանի պատմության ընթացքում ամենամեծ պետբյուջեի նախագծի ընդունումը խորհրդարանականներն ու կառավարության անդամները ծափողջույններով ընդունեցին:
Հաջորդ տարվա պետբյուջեն, բացի աննախադեպ չափերը՝ եկամուտների և ծախսերի առումով, ունի մի շարք այլ առանձնահատկություններ, որոնցից մի քանիսը ներկայացնենք:
1. Դեֆիցիտը՝ սեփական միջոցներով. 2020թ. պետբյուջեի արդեն ընդունված նախագծով պակասորդը (դեֆիցիտը) կազմում է շուրջ 182 մլրդ դրամ: Ուշագրավ է, որ այս անգամ դեֆիցիտը բյուջետային աջակցության վարկով չի ֆինանսավորվելու: Ֆինանսների նախարարի խոսքով՝ այդպիսի վարկերը նախկինում տրամադրվել են Հայաստանին, քանի որ հանդիսացել է քիչ եկամուտ ունեցող պետություն: Ատոմ Ջանջուղազյանը հույս է հայտնել, որ այլևս այդ վարկատեսակի կարիքը Հայաստանը չի ունենա:
2. Պաշտպանություն. 2018թ.-ի համեմատ հաջորդ տարի պետբյուջեից ՀՀ պաշտպանության ապահովման նպատակով հատկացվելու է 25,3%-ով ավելի շատ միջոցներ: 2018թ. պաշտպանության ոլորտին հատկացվել է 247 մլրդ դրամ, իսկ 2020թ. ընդունված նախագծով այն ավելի քան 301 մլրդ դրամ է: 2019թ.-ի համեմատ այն էական տարբերություն չի կրել, քանի որ, ըստ վարչապետի, կա օրենսդրական կարգավորում, ըստ որի ռազմական ծախսերը չպետք է գերազանցեն ՀՆԱ 4%-ը:
3. Ճանապարհաշինություն. ՀՀ ճանապարհների կառուցման, բարեկարգման համար 2020թ. բյուջեով նախատեսվում է հատկացնել մոտ 125 մլրդ ՀՀ դրամ: Այն 2019թ. (58 մլրդ դրամ) համեմատ կրկնակի ավել է: Ուշագրավ է նաև, որ 2020թ. պետբյուջեով ճանապարհաշինությանը հատկացվելիք միջոցների ծավալը հավասար է 2015, 2016 և 2017 թվականներին՝ միասին, կամ 2018 և 2019 թվականներին՝ միասին, ճանապարհաշինությանը հատկացված միջոցների գումարին: Այս տարի արդեն կառուցվել է շուրջ 320կմ ճանապարհ, 2020թ. նախատեսվում է կառուցել 500կմ-ից ավելի:
4. Սոցիալական նպաստներ և կենսաթոշակներ. էականորեն մեծացել է նաև սոցիալական ոլորտին հատկացվող միջոցների չափը: 2018թ. այս կապակցությամբ տրամադրվել է մոտ 425 մլրդ դրամ, 2019-ին՝ մոտ 454, իսկ 2020թ. պետբյուջեով նախատեսվում է շուրջ 500 մլրդ դրամ: Այս ոլորտում ներառված են սոցապահովության նպաստները, հիվանդության և հաշմանդամության, մայրության, երեխաների և ընտանեկան, հուղարկավորության, կրթական, մշակութային և սպորտային, բնակարանային նպաստներն, ինչպես նաև՝ կենսաթոշակները:
Telegram 
Facebook 
Google News Ֆիզիկոսների տեսական հաշվարկները ցույց են տվել, որ լույսի քվանտային տատանումները կարող են փոխել ատոմներից արձակվող էլեկտրոնների ազդանշանը։ Այդ փոփոխությունը չափման մեջ կարող է երևալ որպես մի քանի տասնյակ ատտովայրկյանի լրացուցիչ ուշացում՝ լույսի հատկությունները հետազոտելու նոր հնարավորություն տալով։
Գերմանիայի Հելֆտա թագավորական նստավայրի պեղումներում հայտնաբերվել է X դարի քարե շենք՝ նկուղով և լավ պահպանված մուտքի աստիճաններով։ Դրա նշանակությունը դեռ պարզ չէ․ հնագետները քննարկում են հյուրատան կամ նստավայրի կառավարչի տան վարկածները։
NASA-ի Roman տիեզերական աստղադիտակի լայնադաշտ տեսախցիկի օպտիկական սխալը կարգաբերումից հետո կազմել է 63 նանոմետր՝ նախատեսված մոտ 90 նանոմետրի փոխարեն։ Արդյունքը կարևոր է ապագա լայնածավալ դիտումների համար, սակայն աստղադիտակի գիտական աշխատանքին նախապատրաստումը դեռ շարունակվում է։
Հայաստանի առողջապահության նախարարությունը պայմանական թույլտվություն է տվել ամերիկյան Agenus ընկերության Botvymo և Evamplix դեղամիջոցների համատեղ կիրառմանը՝ աղիների քաղցկեղի որոշակի տեսակի բուժման համար։ Ընկերության հաղորդմամբ՝ սա երկու դեղամիջոցների առաջին պաշտոնական գրանցումն է աշխարհում։
Գիտնականներն ուսումնասիրել են Սուրբ Հեղինե կղզում ապրող Ջոնաթան հսկա կրիայի գենոմն ու գեների ակտիվությունը կարգավորող քիմիական նշումները։ Ըստ գնահատականների՝ 194 տարեկան կենդանու մոտ հայտնաբերված որոշ առանձնահատկություններ կարող են առնչվել նրա երկարակեցությանը, սակայն այդ կապը դեռ ապացուցված չէ։
Էկվադորի Ամազոնիայում հայտնաբերված Taczanowskia waska սարդի մարմնի ելուստները սնկային գոյացություններ են հիշեցնում։ Հետազոտողների վարկածով՝ այդ նմանությունը կարող է օգնել նրան խուսափել գիշատիչներից կամ աննկատ որսալ։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
Մի ինքնաթիռի հետևում երկար սպիտակ գիծ է ձգվում, իսկ մյուսի հետևում երկինքը մնում է պարզ։ Այս տարբերությունը պայմանավորված է օդի վիճակով և շարժիչների աշխատանքով, ոչ թե ինքնին ապացուցում է «թունավոր նյութերի ցրում»։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները