Հայաստանում ԱԹՍ-ների առաջին կրթական աշխատանոցն է բացվել
15-18 տարեկան պատանիները սովորելու են անօդաչու թռչող սարքեր նախագծել, պատրաստել, սպասարկել ու կառավարել: «Արմաթն օդում» ԱԹՍ-ների աշխատանոցների կրթական ծրագրում ընդգրկված են ինչպես պտուտակավոր, այնպես էլ` թևավոր ԱԹՍ-ներ։
Դիլիջանում բացվել է անօդաչու թռչող սարքերի առաջին կրթական աշխատանոցը, որը կոչվում է «Արմաթն օդում»:
«Արմաթն օդում» ԱԹՍ-ների առաջին կրթական աշխատանոցի պաշտոնական բացումը տեղի է ունեցել Դիլիջանի Մոնթե Մելքոնյանի անվան ռազմամարզական վարժարանում։ Հաղորդվում է, որ «Արմաթն օդում» (Armath Airborne) անօդաչու թռչող սարքերի (ԱԹՍ) կրթական աշխատանոցի ծրագիրն «Արմաթ» ինժեներական լաբորատորիաների ծրագրի զարգացման ուղղություն է:
Հաղորդվում է, որ «Արմաթ» ինժեներական լաբորատորիաների ծրագիրը նախատեսված է 15-18 տարեկան տղաների և աղջիկների համար։
Ինչպես նշվում է, պատանիները սովորելու են անօդաչու թռչող սարքեր նախագծել, պատրաստել, սպասարկել ու կառավարել: «Արմաթն օդում» ԱԹՍ-ների աշխատանոցների կրթական ծրագրում ընդգրկված են ինչպես պտուտակավոր, այնպես էլ` թևավոր ԱԹՍ-ներ։
Ծրագիրն, ինչպես հաղորդվում է, նպատակ ունի ԱԹՍ-ների նույնատիպ աշխատանոցներ հիմնել Հայաստանի և Արցախի բոլոր 65 քաղաքներում:
Մեկնաբանությունները