Դադարեցնել բանակցությունները և աղմուկ բարձրացնել. Սիրանուշ Սահակյան
Հայ գերիների շահերի պաշտպանն անհրաժեշտ է համարում Հայաստանի կառավարության աշխատանքների ակտիվացումը գերիների վերադարձի ուղղությամբ:
Մարդու իրավունքների եվրոպական դատարանում (ՄԻԵԴ) հայ գերիների շահերի պաշտպան Սիրանուշ Սահակյանի խոսքով` Ադրբեջանը հայ ռազմագերիների հարցն օգտագործում է հայ-ադրբեջանական հարաբերություններում շահավետ ձեռքբերումների հասնելու համար:
Սահակյանը նշում է, որ եթե ադրբեջանական կողմը չի կատարում պայմանավորվածությունը, ապա հայկական կողմը պետք է առավել հետևողական աշխատանքներ տանի միջազգային կառույցներում, որպեսզի կիրառվեն պատժամիջոցներ:
Իրավաբանի խոսքով` գերիների վերադարձի ձգձգումը ռազմական հանցագործություն է և հնարավորություն է տալիս քաղաքական պատժամիջոցներ կիրառել ոչ միայն Ադրբեջանի դեմ, որպես պետություն, այլև` նրա բարձրաստիճան պաշտոնյաների, ովքեր հանցավոր վճիռներ են կայացնում: Այս համատեքստում Սահակյանը կարևորել է Հայաստանի կառավարության աշխատանքների ակտիվացումը` անհրաժեշտ համարելով դադարեցնել բանակցությունները և մեծ աղմուկ բարձրացնելը:
Սիրանուշ Սահակյանի համոզմամբ` Բաքուն գերիների հարցը փորձում է դարձնել քաղաքական առևտրի առարկա, բայց հայկական կողմը չպետք է Ադրբեջանին կարևոր փաստաթղթեր փոխանցի, ինչպես ականապատ դաշտերի քարտեզների դեպքում: Սահակյանը ՀՀ իշխանություններին քննադատել է Խծաբերդի զինծառայողների գերեվարումը չկանխելու և ադրբեջանցի գերիներին ու դիվերսանտներին հապճեպ վերադարձնելու մեջ:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
Հասկացա
Մենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները